Hamro Bulletin

वर्ल्ड भिजन इन्टरनेसनल नेपाल को आर्थिक सहयोग र आस्था नेपालको आयोजनामा रुपान्तरण कक्षाका अभिभावकलाई सकारात्मक कक्षा सञ्चालन भएको छ। आस्था नेपाल र वर्ल्ड भिजनको साझेदारीमा सञ्चालित बाल स्पोनसरसीप तथा बाल संरक्षण परियोजना अन्तर्गत प्रत्येक शनिबार सञ्चालन हुने रुपान्तरण कक्षाका अभिभावकहरूलाई सकारात्मक अभिभावकत्वका सीपबारे जानकारी गराउन थालिएको छ ।बालबालिकाको पालन पोषण र शिक्षामा आफू कसरी प्रभावकारी हुने भन्नेअभिप्रेरणा सहित क्षमता अभिबृद्दी गर्ने उद्देश्यले कक्षा सञ्चालन भएको हो ।

अछामको पुर्वी क्षेत्र पञ्चदेवल बिनायक नगरपालिकाका ६ वटा वडा र कमलबजार नगरपालिकाका ४ वटा वडा गरि जम्मा १० वडामा कार्यक्रम संचालन भएको छ । त्यस्तै अछामको पश्चिम क्षेत्रमा मेल्लेख गाँउपालिकाका ८ वटै वडा र साँफेबगर नगरपालिकाको ४ नम्बर वडामा गरि सञ्चालन हुन हुन थालेको हो।

आस्था नेपालका जिल्ला प्रबन्धक रुपक चन्दका अनुसार सकारात्मक अभिभावकत्व सम्बन्धिका कक्षाहरुमा विषेश गरि परिवारको उद्देश्य र मुल्यमान्यता ,असल परिवारको परिकल्पना,बालबालिकाको स्वभाव र व्यक्तित्व पहिचान,अभिभावकत्वका शैलिहरु,छोराछोरी प्रती गरिने व्यबहार ,बालबालिका हुर्काउने तरिका ,बाल अधिकारबारे अवधारणागत स्पष्टता ,बाल संरक्षणका सवालहरु उठान गरिने भएका हुन ।

त्यस्तै बालबालिकाका समस्यामुलक स्वभावको पहिचान र समाधान,सकारात्मक अनुशासन बिधि र तनाव व्यवस्थापन ,बालबालिकासँगको संचार सम्बन्ध र लैङ्िगक समाजिकरण लगायतका विषय वस्तु बारेमा कक्षा सञ्चालन गरिने चन्दले बताउनु भयो । सकारात्मक अभिभावक बन्न प्रेरित गर्ने उद्देश्य रहेको कुरा उहाँको भनाइ छ ।