राष्ट्र उत्थान लघुवित्तको आइपिओ पर्नेले पहिलो दिनमै चार गुणासम्म कमाउने
फागुन ,१७ अछाम
राष्ट्र उत्थान लघुवित्त वित्तीय संस्था लिमिटेडले यहि फागुन ४ गतेदेखि ७ गतेसम्म सर्वसाधारणका लागि निष्कासन गरेको साधारण सेयर (आइपिओ) को बाँड्फाँड गत बिहीबार भएको थियो । उक्त कम्पनीको आइपिओ बाँडफाँडपछि आइपिओ पर्ने लगानीकर्ताहरूलाई सो कम्पनीको आइपिओले ओपनिङ रेन्ज कति पाउला भन्ने चासो सर्वसाधारण लगानीकर्तामा बढेको छ ।
नेप्सेले कुनै पनि कम्पनीको आइपिओको ओपनिङ रेन्ज निर्धारण गर्दा उक्त कम्पनीको नेटवर्थको तीन गुणासम्म ओपनिङ रेन्ज तोक्ने गर्दछ । कम्पनीको आर्थिक वर्ष ०७७/७८ को लेखापरीक्षण अनुसार, प्रतिसेयर नेटवर्थ १६७ रुपैयाँ ४३ पैसा रहेको छ । यस अनुसार नेप्सेले कम्पनीको पहिलो कारोबारका लागि प्रतिसेयर न्युनतम १६७ रुपैयाँ ४३ पैसादेखि अधिकतम ५०२ रुपैयाँ २९ पैसासम्म ओपनिङ रेन्ज निर्धारण गर्न सक्नेछ ।
यस कम्पनीले निष्कासन गरेको आइपिओमा जम्मा २५ लाख ८५ हजार २ सय ६१ जनाले आवेदन दिएका थिए । जसमा ५ हजार ८ सय ५८ जनाको आवेदन विभिन्न कारणले रद्व भएको थियो । मागभन्दा आवेदन धेरै परेको हुनाले गोलापर्थाबाट बाँडफाँड गर्दा ७९ हजार ४ सय ५० जनाले १० कित्ताका दरले सेयर हात पारेका थिए ।
प्रतिक्रिया