Hamro Bulletin

चीनको सरकारी मिडियाका अनुसार चाइना इस्टर्न एयरलाइन्सको एक विमान चीनको ग्वान्जाओ प्रान्तमा दुर्घटनाग्रस्त भएको छ । यो विमानमा १३२ जना सवार रहेको बताइएको छ । विमानमा १ सय २३ जना यात्रु र चालक दलका ९ सदस्य रहेका थिए ।

विमान दुर्घटनामा परेको समाचार बाहिर आए पनि यसबाट भएको मानवीय क्षतिबारे अहिलेसम्म समाचार आइसकेको छ । चिनियाँ मिडियाहरुका अनुसार चीनमा बोइङ ७३७ जेट एक पहाडी क्षेत्रमा खसेको हो । त्यो ठाउँमा विमान खसेपछि आगोको मुस्लो देखिएको थियो ।

फ्लाइट एमयू५७३५ ले स्थानीय समयअनुसार साव एक बजे त्यहाँको कुनमिङ भन्ने ठाउँको विमानस्थलबाट उडान भरेको थियो ।

चीनको नागरिक उड्ड्यन प्राधिकरणले दुर्घटनाको कारणबारे अहिलेसम्म केही थाहा नभएको बताएको छ । त्यहाँ उद्दारका लागि सुरक्षाकर्मी तैनाथ भइसकेका छन् । एक घन्टा हावामा देखिएको विमान दुर्घटनाग्रस्त भएको हो ।

यो ६ वर्ष पुरानो विमान भएको बताइएको छ । चिनियाँ मिडियामा अधिकारीहरुले पछिल्लो समय विमानमा आगो लागेको थाहा पाएको बताएका छन् ।

विमान दुर्घटना भएलगत्तै चाइना इस्टर्न एयरलाइन्सको वेबसाइटलाई ब्ल्याक एन्ड ह्वाइट बनाइएको छ । 

सन् १९९४ मा चीनमा ठूलो विमान दुर्घटना भएको थियो । त्यति बेला विमानमा सवार भएका १ सय ६० जनाले ज्यान गुमाएका थिए । यो चीनमा भएका सबैभन्दा ठूला विमान दुर्घटनामध्येको एक थियो ।