Hamro Bulletin

अछाममा म्यादी प्रहरी भर्नाका लागि २ हजार बढीले आवेदन दिएका छन । जिल्लामा १ हजार २ सय ३२ जना म्यादी प्रहरीका लागि २ हजार १५ जनाले आवेदन दिएका जिल्ला प्रहरी कार्यालय अछामका कार्यालय प्रमुख प्रहरीनायव उपरीक्षक रविराज थपलियाले बताए उनका अनुसार ३ सय ४१ जना महिला र १ हजार ६ सय ७४ जना पुरुषले म्यादी प्रहरीका लागी आवेदनदिएका छन ।

आवेदन दिनेमा बिद्यार्थीको संख्या बढी रहेको उनको भनाई छ सरकारले म्यादी प्रहरी भर्ना गर्न चैत ६ गतेदेखि ११ गतेसम्म दरखास्त दिने समयतोकेको थियो दरखास्त दिएकाहरुको छनोट प्रक्रिया १५ चैतदेखि प्रारम्भ हुने, नतिजा प्रकाशन २२ चैतसम्म गरिने र २८ गतेदेखि प्रशिक्षण सुरू गरिनेजनाइएको छ ।

१८ वर्ष पूरा भइ ५४ वर्ष ननाघेका व्यक्तिले आवेदन दिन सक्ने प्रहरी प्रधान कार्यालय, नक्सालले जनाएको थियो। फौजदारी अभियोग नलागेको, कुनैराजनीतिक दलको सदस्य नभएको, शारीरिक र मानसिकरुपले तन्दुरुस्त नेपाली नागरिकले आवेदन दिन पाउने भनिएको थियो।

नेपाली सेना, नेपाल प्रहरी र सशस्त्र प्रहरी बलका पूर्वसुरक्षाकर्मी, नेपाल बाहिरका सुरक्षा निकायमा काम गरेका र यसअघिका चुनावमा म्यादी प्रहरीबनेकालाई प्राथमिकता दिइने बताइएको छ। प्रहरी प्रधान कार्यालय, नक्सालको मानव स्रोत तथा प्रशासन विभागका अनुसार  छनोट भएका म्यादीप्रहरीले ४० दिन काम गर्न पाउनेछन् ।

म्यादी प्रहरीका लागि प्रहरी जवानको तलब आधारभूत तलब महिनाको २२,६८० रुपैयाँ खाद्यान्न, पोशाक र अन्य सामग्री खरीदका लागि भनेर ४०दिनको ४४,४४० रुपैयाँ पाउने छन्। उनीहरुको बीमालगायतका अन्य सुविधा पनि हुने छ।