ताजा अपडेट
बान्नीगढी जयगढको अध्यक्षमा कांग्रेस विजयी
अछामको बान्नीगढी जयगढ गाउँपालिकामा कांग्रेसका टेकबहादुर साउद र उपाध्यक्षमा एमालेका बिन्दु रावल निर्वाचित भएका छन् । एमालेबाट उम्मेदवार लोकबहादुर साउदलाई ४ सय ९८ मतले पराजित गर्दै टेकबहादुर साउद निर्वाचित भएका हुन् ।
बान्नीगढी जयगढ गाउँपालिकामा कांग्रेसका टेकबहादुर साउद र उपाध्यक्षमा एमालेका बिन्दु रावल निर्वाचित भएका छन् । एमालेबाट उम्मेदवार लोकबहादुरलाई ४ सय ९८ मतले पराजित गर्दै टेकबहादुर निर्वाचित भएका हुन् । कांग्रेसबाट उम्मेदवार टेक बहादुरले ३ हजार १ सय १२ मत पाएका छन् भने एमालेबाट उम्मेदवार लोकबहादुरले २ हजार ६ सय १४ मत पाए ।
कांग्रेसका तर्फबाट उम्मेदवार बनेका टेकबहादुर नेपाली कांग्रेस अछामको पूर्व पार्टी सचिव हुन् भने एमालेका तर्फबाट उम्मेदवार बनेका लोकबहादुर बान्नीगढी जयगढ गाउँपालिकाका निवर्तमान उपाध्यक्ष हुन् । स्थानीय तहको पहिलो निर्वाचनमा कांग्रेस र माओवादी केन्द्रको गठबन्धनमा माओवादी केन्द्रबाट उपाध्यक्षमा निर्वाचित भएका गाउँपालिका उपाध्यक्ष साउद वैशाख १ गते नेकपा एमालेमा प्रवेश गरेका थिए । गाउँपालिकाको उपाध्यक्षमा भने एमालेका उम्मेदवार बिन्दु रावल निर्वाचित भएकी छिन् । रावलले २ हजार ७ सय ३१ मत प्राप्त गरी निर्वाचित भएकी हुन् । उनको निकटम प्रतिस्पर्धी माओवादी केन्द्रकी उम्मेदवार निर्मला साउदले २ हजार ७ सय १७ मत पाइन् ।
सम्बन्धित समाचार
ताजा अपडेट
-
काठमाडौंमा रहेका अछामका युवाद्वारा ‘बोल्छ अछाम’ साझा अभियान घोषणा
-
अबको यात्रा महामन्त्रीः संगठनको भुइँदेखि केन्द्रीय शक्ति संरचनासम्म नैन सिंह महर
-
साँफेबगर नगरपालिकाको बाब्लामा केन्द्रीय लाइन विद्युत सेवा सुरु
-
राजनीतिक आँधीमा नेपाल : संकट, सम्भावना र चुनौती
-
लुटिएका ३३ लाख ७० हजार नगदसहित हतियारहरू पनि बरामद
प्रतिक्रिया