ताजा अपडेट
चौरपाटी गाउँपालिकामा कांग्रेस विजयी
अछामको चौरपाटी गाउँपालिकाको अध्यक्ष नेपाली कांग्रेसका भीमबहादुर साउद र उपाध्यक्षमा सरदेवि खड्का विजयी भएका छन् । अध्यक्ष साउदले ३ हजार ९८२ मत प्राप्त गरेका छन् भने उनका प्रतिदन्द्धि एमालेका रामबहादुर आउजीले २ हजार ५०६ पाएका छन् । साउदले १ हजार ४८६ मत अन्तरले जितेका छ्न । त्यसैगरी निवर्तमान पालिका अध्यक्ष समाजवादीका हर्क साउदले एक हजार ४७४ पाएका छन् । हर्क साउद ०७४ सालको निर्वाचनमा १ मतले विजयी भएका थिए, भने अहिलेका निर्वाचित अध्यक्ष भीम साउदले एक मतले हारेका थिए ।
उपाध्यक्षमा निर्वाचित सरदेवि खड्काले ३ हजार ७३४ मत पाएकी छन् । उनका निकटम प्रतिदन्द्धि एमालेका अनिता खड्काले २ ह्जार ४९१ प्राप्त गरेकी छन् । ७ वडा रहेको चौरपाटीमा ४ कांग्रेस, २ नेकपा एमालेले जितेका छन । वडा नं १ मा कांग्रेसका बिरबहादुर थापा,वडा नं २ मा काग्रेसका रणबहादुर साउद,वडा नं ३ मा एमालेका बिरेन्द्रबहादुर साउद,वडा नं ४ मा कांग्रेसका लालबहादुर धामी,वडा नं ५ मा कांग्रेसका हिमकर्ण खड्का,वडा नं ६ मा एमालेका डबलबहादुर खड्का र वडा नं ७ मा एमालेका ललित बोगटीले जितेका छन ।
प्रतिक्रिया