Hamro Bulletin

साँफेबगर नगरपालिकाको ५ वटा वडाको नतिजा सार्बजनिक भएको छ । १४ वडा मध्ये वडा नं १,३,१०,१२ र १४ को नतिजा सार्बजनिक भएको हो । वडा नं १ बैद्यनाथको अध्यक्षमा स्वतन्त्र पदका उम्मेदवार नन्दसि ठकुल्ला २०७ मतका साथ विजयी भएका छन् । ठकुल्लासंग कांग्रेसका बमबहादुर शाहले २ सय र एमालेका भरत शाहले १३४ मत सहित पराजित भएका हुन् । 

त्यसैगरी वडा नं ३ सिद्धेश्वरमा नेपाली कांग्रेसका कुलबहादुर कुँवर १हजार९७ मत सहित विजयी भएका छन् । कुँवरको निकटतम प्रतिदन्द्धि एमालेका रमेश कुँवर ६०२ मत सहित पराजित भएका छन् । वडा नं १० घुघुरकोटको अध्यक्षमा ललित बोगटी ५५९ मत सहित विजयी भएका छन् । बोगटीका निटतम प्रतिदन्द्धि कांग्रेसका रेवन्त बोगटी २३ मतले पराजित भएका छन् । रेवन्तले ५३६ मत पाएका छन् । घुघुरकोटमा भने एमालेले आफ्नो स्थान सुरक्षित गरेको छ ।
वडा नं १२ खप्तडको अध्यक्षमा जनक कडायत ३३५ मत सहित विजयी भएका छन् । कडायतका प्रतिदन्द्धि एमालेका धनबहादुर कडायतले २८८ मत ल्याएर पारजित भएका छन् । जनकका आफ्नै भाई हुन् धनबहादुर । 
वडा नं १४ पातलकोटमा भने यस पटक कांग्रेसले बाजी मारेको छ । एमालेको पकड क्षेत्र मानिने पातलकोटमा कांग्रेसका सन्जु थापा ३४९ मत सहति विजयी भएका छन् । थापाका निकटतम प्रतिदन्द्धि एमालेका निवर्तमान वडा अध्यक्ष कर्णबहादुर साउद ३२७ मत सहित पराजित भएका छन् ।