ताजा अपडेट
चौरपाटी गाउँपालिकाका नवनिर्वाचित अध्यक्ष साउँदले गरे पदभार ग्रहण
अछामको चौरपाटी गाउँपालिकाका नवनिर्वाचित अध्यक्ष भिम बहादुर साउँदले पदभार ग्रहण गरेका छन् । आइतबार एक समारोहबीच अध्यक्ष साउँदले पदभार ग्रहण गरेका हुन् ।
गत बैशाख ३० गते भएको स्थानीय तह निर्वाचनमा उनी नेपाली कांग्रेसको तर्फबाट गाउँपालिकाको अध्यक्ष पदमा विजयी भएका थिए । उनी नेकपा एमालेका राम बहादुर आउजीलाई हराउँदै साउँदले तीन हजार नौ सय बयाँसी मत ल्याएर विजयी भएका हुन् ।
आउजीले दुई हजार पाँच सय छ मत पाए । यस्तै एकीकृत समाजवादी र माओवादी केन्द्रको गठबन्धनका उम्मेदवार हर्क बहादुर साउँदले एक हजार चार सय चौहत्तर मत ल्याए । यस्तै उपाध्यक्षमा नेपाली कांग्रेसकी सरु देबी खड्का निर्वाचित भइन् ।
शनिबार शपथ ग्रहण गरेका साउँदले आज पदभार ग्रहण गरे । उनले २०७४ सालको स्थानीय तह निर्वाचनमा एक मतले हार व्यहोरेका थिए ।
सम्बन्धित समाचार
ताजा अपडेट
-
सुदूरपश्चिम प्रदेश निर्माण व्यवसायी महासंघको अध्यक्षमा लक्ष्मण स्वाँर निर्वाचित (नतिजा सहित)
-
मुख्यमन्त्रीले अर्थ राख्ने, सामाजिक र वन अर्को पक्षले लिने : सुदूरपश्चिम कांग्रेसमा भागबण्डा
-
कांग्रेसको सुदूरपश्चिमस्तरीय भेलामा अन्य प्रदेशका कुनै पनि नेतालाई आमन्त्रण नगरिने
-
सञ्चालक समिति सदस्यका उम्मेदवार कुँवरको अपिल
-
वैदेशिक रोजगारीमा ठगी गर्ने आरोपीको विवरण सार्वजनिक
प्रतिक्रिया