Hamro Bulletin

हाम्रो बुलेटिन - सुचना को नयाँ आयम

बुधबार, १५ असार २०७९

आफ्नै वडा जोगाउन सकेनन् पुर्व उपप्रधानमन्त्रि भीम रावलले

आफ्नै वडा जोगाउन सकेनन् पुर्व उपप्रधानमन्त्रि भीम रावलले

साँफेबगर नगरपालिका ६ भागेश्वरमा स्वतन्त्र उम्मेदवार विजयी भएका छन्। भागेश्वर एमाले नेता तथा पूर्वउपप्रधानमन्त्री भीम रावलको वडा हो। वडाध्यक्षमा स्वतन्त्र उम्मेदवार मीनबहादुर बोहरा विजयी भएका हुन्।

एमालेका उम्मेदवार दुतकला बिष्ट र बोहराको बराबर मत (२२६/२२६) आएपछि गोलाप्रथाबाट बोहरा विजयी भएका हुन्। एमालेले टिकट नदिएपछि बोहराले स्वतन्त्रबाट उम्मेदवारी दिएका थिए। स्वतन्त्रबाट उम्मेदवारी दिएपछि पाटीले बोहरालाई कारबाहीसमेत गरेको थियो।

टिकटका लागि पाटीले नपत्याए पनि मतदाताले पत्याएको भन्दै उनले खुसी व्यक्त गरे। लामो समय पार्टीका लागि गाउँमै बसेर काम गर्दा एमालेले कुनै पनि मूल्याकंन नगरेको भन्दै स्वतन्त्रबाट उम्मेदवारी दिन बाध्य भएको उनले बताए।

बोहराले वडाबासीको सुझाब सल्लाहअनुसार नै वडाको विकासका लागी कटिबद्ध भएर लाग्ने प्रतिबद्धता जनाएका छन।

प्रतिक्रिया