Hamro Bulletin

अछामको साँफेबगर नगरपालिकाको नगरप्रमुखमा नेपाली कांग्रेसका राजेन्द्र बहादुर कुँवर निर्वाचित भएका छन् । कुँवर ७ हजार २६५ मतमा साथ विजयी भएका हुन् । कुँवरका निकटतम प्रतिद्धवन्दि नेकपा एमालेकि पशुपति कुँवरले ५ हजार ३९ मत प्राप्त गरेकी छन् । 

नगर उपप्रमुखमा नेकपा एकिकृत समाजवादीका शिव बहादुर कुँवर (शिलोज) विजयी भएका छन् । उनले ६ हजार ४३४ मतका साथ विजयी भएका हुन । उनका निकटतम प्रतिद्वन्द्वी नेकपा माओवादी केन्द्रका रंग ठकुल्लाले ५ हजार ३१४ मत प्रात गरेका छन् ।

साँफेबगर नगरपालिकाका १४ वडा मध्य वडा नं १ स्वतन्त्र उम्मेदवार नन्द सिंह ठकुल्ला, वडा नं २ मा नेपाली कांग्रेसका सेत बहादुर कुँवर, वडा नं ३ मा नेपाली कांग्रेसका कुल बहादुर कुँवर, वडा नं. ४ मा नेपाली कांग्रेसका  नवराज बुढा, वडा न ५ मा नेपाली कांग्रेसका मक्र कुँवर, वडा नं. ६ मा स्वतन्त्रका मिन बहादुर बोहरा, वडा नं. ७ मा नेपाली कांग्रेसका हिक्मत कडायत, वडा नं. ८ मा नेपाली कांग्रेसका कालु सिंह कुँवर, वडा नं. ९ मा नेकपा एकिकृत समाजवादीका दिपक कुँवर, वडा नं. १० मा नेकपा एमालेका ललित बोगटी, वडा नं. ११ मा नेकपा एमालेका राम बहादुर बोहरा, वडा नं. १२ मा नेपाली कांग्रेसका जनक कडायत, वडा नं. १३ मा नेकपा एमालेका रुप बहादुर कुँवर र वडा नं. १४ मा नेपाली कांग्रेसका सन्जु साउँद वडा अध्यक्षमा विजयि भएका छन् । 

यसअघिको निर्वाचनमा नगरपालिकापालिका प्रमुख र उपप्रमुख सहित ८ वडा नेकपा एमालेले जितेको थियो भने ६ वडा नेपाली कांग्रेसले जितेका थियो । यो पटकको निर्वाचनमा भने नगर प्रमुख सहित ८ वडा नेपाली कांग्रेस, ३ वडा नेकपा एमाले, उपप्रमुख सहित १ वडा नेकपा एकिकृत समाजवादी र २ वडा स्वतन्त्र उम्मेदवारले जितेका छन् ।