Hamro Bulletin

तारा एयरको जहाज सम्पर्कविहीन भएको छ । १९ जना यात्रु बोकेर आज बिहान ९ः५५ मा पोखराबाट जोमसोम उडेको तारा एयरको ९ एनएईटी ट्विनअटर विमान सम्पर्कविहीन भएको हो ।

नागरिक उड्डयान प्राधिकरणका प्रवक्ता देवचन्द्रलाल कर्णले तारा एयरको जहाज सम्पर्कविहीन भएको भन्ने खवर आएको बताए । उनले  भने, ‘हामीलाई पनि जहाज सम्पर्कविहीन भयो भन्ने अपुष्ट खबर आएको छ । यसबारे हामीले आधिकारिक के हो भन्नेबारे पत्ता लगाउने कोशिस गरिरहका छौं । जहाजबारे खोजविन सुरु भएको छ ।’ 

१९ यात्रुसहित पोखराबाट जोमसोम उडेको तारा एयरको जहाजमा ६ विदेशी यात्रु रहेको खुलेको छ ।  १९ यात्रुमध्ये जहाजमा ४ जना भारतीय २ जर्मन नागरिकसहित ६ विदेशी र १३ नेपाली यात्रु रहेको पाइएको हो । 

उक्त विमान मुस्ताङको लेतेमाथि टिटी ताल क्षेत्रमा दुर्घटना भएको आशंका गरिएपनि त्यसको पुष्टि भैसकेको छैन ।  यद्यपि नेपाल प्रहरीले सम्पर्कविहीन भएको जहाजको खोजी कार्य सुरु भएको जनाएको छ । 

। तारा एयरको ९ एन–एइटी जहाज क्याप्टेन प्रभाकर घिमिरेले उडान भएरेका थिए । चालक दलका सदस्य इताशव घिमिरे र किश्मी थापासहित सो जहाज ९ बजेर ५५ मिनेटमा पोखराबाट जोमसोम उडेको थियो ।