Hamro Bulletin

नेपाल प्रेस युनियनको महाधिवेशन समयमा नभएको भन्दै विद्रोह गरी समानान्तर कार्यक्रममार्फत आफैं महाधिवेशनको मिति तोकेको विद्रोही समूहले पनि मिति सारेको छ। यसअघि जेठ १३ गते नेपाल प्रेस युनियनको स्थापना दिवसको अवसरमा प्रेस युनियनमा गरेको औपचारिक कार्यक्रम बहिष्कार गर्दै सोही दिन बिहान विशेष भेला नाम दिएर शिव लम्सालसहितको टोलीले महाधिवेशनको मिति तोकेका थिए।

उनीहरुले उपमहासचिव सलोजा दाहालको संयोजकत्वमा महाधिवेशन आयोजक समिति पनि बनाउँदै जेठ २८ र २९ गते काठमाडौंस्थित कार्की ब्यांक्वेटमा महाधिवेशन गर्ने निर्णय गरेका थिए। तर, उक्त निर्णयको पछाडिको कारण भने केही भाग खोज्‍नु रहेको खुलेको छ। 

उनीहरुले जेठ १५ गते अध्यक्ष बद्री सिग्देलको टिमसँग आफूलाई केही भाग दिए आफैंले तोकेको महाधिवेशनको मिति सार्न तयार रहेको बताएका थिए। उक्त आग्रहपछि पार्टी प्रवक्ता डा. प्रकाशशरण महतको संयोजनमा बसेको बैठकले लम्साल नेतृत्वको टिमलाई एक सचिवालय सदस्यसहितका केही सदस्यहरु थप गर्ने सहमति गरेको थियो। जसमा सचिवालय सदस्यमा यसअघि सचिवबाट राजीनामा दिएका खिला कार्की, सदस्यमा दिलिप पौडेल, नकुल अर्याल थप गरिएका छन्। विधान समितिमा रमेश वाग्ले र जीवन भण्डारीलाई थप गरिएको छ। तर, यसअघि विद्रोही समूहले तोकेको महाधिवेशन आयोजक समितिकी संयोजकलाई भने कहीँ पनि समावेश गरिएको छैन्।

यससँगै विद्रोही टिमो संयोजन गरिरहेका लम्सलाले आफूलाई युनियनको महाधिवेशन उद्घाटन सत्रमा मन्तव्य राख्‍न पाउनुपर्ने माग गरेका थिए। उक्त माग पनि सम्बोधन हुने भएपछि आफैंले तोकेको महाधिवेशन करिब डेढ महिना सार्न तयार भएका हुन्। 

त्यसैगरी संस्थापन समूह पनि युनियनको एकताका लागि भदौ २१ र २२ मा तोकेको महाधिवेशन साउन ६-७ गते गर्ने सहमत भएको हो।  

लोक कलम बाट