Hamro Bulletin

आ.ब. ०७२/०७३ देखिनै सुरुवात भएपनि अघि बढ्न नसकेको साँफेबगरको बसपार्कको का नव निर्वाचित नगर प्रमुख राजेन्द्र बहादुर कुँवरले आफ्नो कार्यकालको सुरुवातमै अघि बढाउने भएका छन् । 

साँफेबगर नगरपालिकाको हाटबजारमा निर्माण हुने बसपार्कमा जग्गा पर्ने  १९ घरधुरीले मुवाब्जा पाउने भएका छन् । जग्गा मुवाब्जाकै कुरा नमिलेर ७ बर्षदेखि रोकिएको कामलाई नगर प्रमुखले पदभार ग्रहण गर्ने बित्तिकै सुरुवात गरेका हुन । १४२४२ वर्गमिटरमा तयार गरीने आधुनिक प्रविधिको बृहत बसपार्क  नयाँ शहर र साँफेबगर नगरपालिकाको गौरवको योजना पनि हो ।

पदभारकै दिनबाट साँफेबगर नगरपालिकाका नगरप्रमुख राजेन्द्र बहादुर कुँवरले नयाँ शहर र जिल्ला मालपोत कार्यालय संग सहकार्य गरेर साँफेबगरमा निर्माण गरीने बृहत बसपार्क योजना को काम यथासिघ्र संचालन गर्ने निर्णय गरेका हुन् ।

आज जग्गा मुआब्जा सम्झौता भयो भोलि नयाँ शहर  आयोजना कार्यालयले विज्ञापन गर्नेछ र भोलिकै मितीबाट रकम हस्तान्तरणको काम अघाडि बढाईने नयाँ शहर आयोजना कार्यालयका ईन्जिनियर ललित बुढाले बताए ।

कुर्चिमा बसिसकेपछि मुखले भन्दानि काम बोल्नुपर्छ  भन्ने मान्यता आफुले सदैव अनुसरण गर्दै आएको र साँफेबगर नगरपालिकाको विकाश र सम्बृद्धिका लागि आफु हर सम्भव कोशिसका साथ लागिपर्ने नगर प्रमुख राजेन्द बहादुर कुँवरले बताए ।

नयाँ सहर साँफेबगर अन्तर्गत ठूलो आयोजनाको रूपमा रहेको बसपार्क निर्माण प्रक्रियाको पहिलो चरणको काम ७ वर्षपछि सुरु हुन लागेको साँफेबगर नगर विकास समितिका पूर्व अध्यक्ष मोहन कुँवरले बताए । नयाँ सहरको अवधारणा लागु भएदेखि नै अथक मेहनत गरिरहेका कुँवरले लामो समयपछि जग्गा मुआब्जाको प्रक्रियामा गएकोमा सहयोग गर्ने सबै सरोकारवालाई धन्यवाद दिए ।

साँफेवगर नगरपालिकाको मुहार नै फेरिने ठूलो आयोजना सफल पार्नको लागि सरोकारवाला , स्थानीय र तिनै तहका सरकारले सकारात्मक सहयोग गर्नुपर्ने उनले बताए । बसपार्क निर्माणका लागि नयाँ सहरले पहिल्यैदेखि अधिकरणको प्रयास गरेपनि नगरमा राजेन्द्र कुँवरको नेतृत्व आएपछि सफल भएको उनको भनाइ छ ।

कार्यक्रममा साँफेबगर नगरपालिकाका उपप्रमुख शिब बहादुर कुँवर शिलोज, नेपाली कांग्रेसका महासमिती सदस्य राजन कुँवर, नेकपा एमालेका प्रती निधी त्रैलोक्य कुँवर जग्गा धनी हिक्मत कुँवर र शिब बहादुर कुँवर लगाएतको सहभागिता रहेको थियो ।