Hamro Bulletin

हाम्रो बुलेटिन - सुचना को नयाँ आयम

बुधबार, १५ असार २०७९

साँफेबगर नगरपालिका १३ बाब्लामा सरकारी गाडिको दुरुपयोग

साँफेबगर नगरपालिका १३ बाब्लामा सरकारी गाडिको दुरुपयोग

अर्थ मन्त्रालयले जारी गरेको बजेट तर्जुमा दिग्दर्शन २०७५ मा सरकारले आफ्ना मातहतका कार्यालय र कर्मचारीको सेवा सुविधाका सम्बन्धमा समेत स्पष्ट व्यवस्था गरेको छ। उक्त व्यवस्थाअनुसार संवैधानिक निकायका प्रमुख पदाधिकारी तथा मन्त्री, संवैधानिक निकायका सदस्य तथा विशिष्ट श्रेणीका कर्मचारी, सहसचिव र कार्यालय प्रयोजनका लागि खरिद गरिने सवारीका सम्बन्धमा स्पष्ट उल्लेख गरिएको छ।

बजेट तर्जुमा दिग्दर्शनको आठौं संस्करणमा कुन श्रेणीका कर्मचारी तथा पदाधिकारीले के कस्तो सवारी साधन सुविधा पाउने भन्ने व्यवस्था गरिएको छ। दिग्दर्शन सरकारले सबै वर्गका कर्मचारी तथा पदाधिकारीले एकै किसिमका सुविधा पाउन र सरकारी खर्चमा सेवा उपयोगमा एकरूपता कायम होस् भनेर जारी गरेको हो। तर अछाममा भने सरकारी गाडीको दुरुपयोग भैरहेको छ ।

अछामको साँफेबगर नगरपालिका -१३ बाब्लामा सरकारी गाडिको दुरुपयोग गरेको फोटो सामाजिक संजालमा भाईरल भैरहेको छ । वडा अध्यक्ष रुप बहादुर कुँवरले चढ्ने मोटरसाईकल सानपा १३ नेकपा एमालेका वडा कमिटि अध्यक्षले चलाईरहेको भेटिएपछि स्थानिय प्रत्यक्षदर्शिले खिचेको फोटो सामाजिक संजालमा भाईरल भएको हो । नियम अनुसार वडा अध्यक्ष लगाएत वडाका जनप्रतिनिधि र वडाका कर्मचारीले मात्र उक्त सवारी साधनको उपभोग गर्न पाउने प्रावधान रहेको छ ।

प्रतिक्रिया