नबिल बैंक रामारोशन शाखाको आयोजनामा विकास र वित्तीय साक्षरता कार्यक्रम सम्पन्न

हाम्रो बुलेटिन शुक्रबार २०, जेठ २०७९ २१:२२

नबिल बैंक रामारोशन शाखाको आयोजनामा विकास र वित्तीय साक्षरता कार्यक्रम सम्पन्न

नबिल बैंक रामारोशन शाखाले यहाँका युवा उद्यमशीलता र स्वरोजगार प्रर्वद्धन गरि युवालाई आत्मनिर्भर बनाउने उद्येश्यले विकास र वित्तीय साक्षरता कार्यक्रम सम्पन्न गरेको छ । रामारोशन गाउँपालिका कार्यबाहक अध्यक्ष केशरबहादुर शाहको प्रमुख आतिथ्यतामा भएको कार्यक्रममा गाउँपालिकाका वडा अध्यक्षहरु तथा अन्य व्यक्तिहरुको सहभागिता रहेको थियो ।

कार्यक्रममा स्थानीय किसान, युवा तथा महिला उद्यमीहरु साथै गाउँपालिकाबासीहरुको राम्रो उपस्थिती थियो । कार्यक्रममा नबिल दिगो बैंकिङका प्रबन्धक लिला प्रसाद ओझाले युवा र महिलाहरुको उद्यमशीलता विकास र रोेजगारी सिर्जनामा सहयोग गरी दिगो समाजको निर्माण गर्न नबिल बैंक सधैं तत्पर रहेको बताउनु भयो । नबिल बैंक सुदूरपश्चिम एवम् कर्णाली प्रदेश प्रमुख टेक राज भट्टले समापन गर्नुभएको कार्यक्रमको सञ्चालन नबिल बैंक रामारोशन शाखाका टंक राज खनालले गर्नुभएको थियो