साँफेबगरमा निर्माण गरिने आधुनिक प्रविधिको बृहत बसपार्कको जग्गा मुवाब्जा रकम हस्तारण सुरु
आ.ब. ०७२/०७३ देखिनै सुरुवात भएपनि अघि बढ्न नसकेको साँफेबगरको बसपार्कको का नव निर्वाचित नगर प्रमुख राजेन्द्र बहादुर कुँवरले आफ्नो कार्यकालको सुरुवातमै अघि बढाएका छन् ।
साँफेबगर नगरपालिकाको हाटबजारमा निर्माण हुने बसपार्कमा जग्गा पर्ने १९ घरधुरीले मुवाब्जा पाउने काम आज बाट सुरु भएको छ । जग्गा मुवाब्जाकै कुरा नमिलेर ७ बर्षदेखि रोकिएको कामलाई नगर प्रमुखले पदभार ग्रहण गर्ने बित्तिकै सुरुवात गरेका हुन । १४२४२ वर्गमिटरमा तयार गरीने आधुनिक प्रविधिको बृहत बसपार्क नयाँ शहर र साँफेबगर नगरपालिकाको गौरवको योजना पनि हो ।
पदभारकै दिनबाट साँफेबगर नगरपालिकाका नगरप्रमुख राजेन्द्र बहादुर कुँवरले नयाँ शहर र जिल्ला मालपोत कार्यालय संग सहकार्य गरेर साँफेबगरमा निर्माण गरीने बृहत बसपार्क योजनाको काम यथासिघ्र संचालन गर्ने निर्णय गरेका हुन् ।
आजबाट जग्गा मुआब्जा रकम हस्तान्तरणको काम थालनि भयो अब छिट्टै साँफेबगरमा निर्माण गरीने बृहत बसपार्क निर्माणको काम अघि बढ्ने ललित बुढाले बताए ।
कुर्चिमा बसिसकेपछि मुखले भन्दानि काम बोल्नुपर्छ भन्ने मान्यता आफुले सदैव अनुसरण गर्दै आएको र साँफेबगर नगरपालिकाको विकाश र सम्बृद्धिका लागि आफु हर सम्भव कोशिसका साथ लागिपर्ने नगर प्रमुख राजेन्द बहादुर कुँवरले बताए ।
नयाँ सहर साँफेबगर अन्तर्गत ठूलो आयोजनाको रूपमा रहेको बसपार्क निर्माण प्रक्रियाको पहिलो चरणको काम ७ वर्षपछि सुरु हुन लागेको साँफेबगर नगर विकास समितिका पूर्व अध्यक्ष मोहन कुँवरले बताए । नयाँ सहरको अवधारणा लागु भएदेखि नै अथक मेहनत गरिरहेका कुँवरले लामो समयपछि जग्गा मुआब्जाको प्रक्रियामा गएकोमा सहयोग गर्ने सबै सरोकारवालाई धन्यवाद दिए ।
साँफेवगर नगरपालिकाको मुहार नै फेरिने ठूलो आयोजना सफल पार्नको लागि सरोकारवाला , स्थानीय र तिनै तहका सरकारले सकारात्मक सहयोग गर्नुपर्ने उनले बताए । बसपार्क निर्माणका लागि नयाँ सहरले पहिल्यैदेखि अधिकरणको प्रयास गरेपनि नगरमा राजेन्द्र कुँवरको नेतृत्व आएपछि सफल भएको उनको भनाइ छ ।
कार्यक्रममा साँफेबगर नगरपालिकाका साँफेबगर नगरपालिका वडा नं. ३ का वडा अध्यक्ष कुल बहादुर कुँवर , साँफेबगर नगरपालिका वडा नं. ३ का निवर्तमान वडा अध्यक्ष एवम् नेपाली कांग्रेसका क्षेत्रिय सभापति कृष्ण बहादुर बुढा, साँफेबगर नगर विकास समितिका पूर्व अध्यक्ष मोहन कुँवर, नयाँ शहर साँफेबगरका प्रमुख घनश्याम श्रेष्ठ लगाएतको सहभागिता रहेको थियो ।
सम्बन्धित समाचार
ट्रेन्डिङ
ताजा अपडेट
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
-
रञ्जिता द्वारा रेशमले डाकेको पार्टी बैठक खारेज
प्रतिक्रिया