Hamro Bulletin

साँफेबगर नगरपालिकाको दोस्रो नगरसभाको प्रथम अधिबेशनले बार्षिक बजेट, निति तथा कार्यक्रम पारित गरेको छ । आज बसेको नगर सभाले आर्थिक वर्ष २०७९/०८० को बजेट, निति तथा कार्यक्रम पारित गरेको हो । सभाले आ.ब. २०७९/०८० को लागी ६९ करोड २७ लाख ६३ हजार बराबरको अनुमानित बजेट प्रस्तुत गरेको छ ।

नगरपालिकाले प्रस्तुत गरेको निति तथा कार्यक्रममा स्वास्थ्यलाई उच्च प्राथमिकतामा राखेको छ । नगर सभाले नगरपालिका भित्रका विपन्न वर्गको २५ यूनिट सम्मको विद्युत महसुल निशुल्क गर्ने निर्णयको पनि बहुमतका साथ अनुमोदन गरेको छ । त्यसैगरी शिक्षा, कृषि, खानेपानी तथा सरसफाई, पर्यटन बिकास, पुर्वाधार, बन तथा वातावरण, सुशासन तथा संस्थागत क्षमता अभिबृद्धि, सुचना प्रविधि, विद्युत तथा उर्जा, वन वातावरण तथा भूसंरक्षण, पुर्वाधार विकाश तथा वातावरण व्यवस्थापन, जलस्रोत सिचाँई, खानेपानि सरसफाई, लैंगिक समानता तथा सामाजिक समावेशिकरण, युवा तथा खेलकुद, सामाजिक सुरक्षा, सिप विकाश  लगायतका बिषयलाई प्राथमिकतामा पारेको छ । नगर सभाले ल्याएको निति तथा कार्यक्रममा बयालपाटा अस्पताललाई १ करोड रुपैयाँ विनियोजन गरेको छ । 

साँफेबगर नगरपालिकाका नगर प्रमुख राजेन्द्र बहादुर कुँवरको अध्यक्षतामा सम्पन्न भएको नगर सभामा निति तथा कार्यक्रम र बार्षिक बजेट साँफेबगर नगरपालिकाका उपप्रमुख शिव बहादुर कुँवर (शिलोज)ले प्रस्तुत गर्नु भएको हो ।