ताजा अपडेट
बयालपाटा अस्पताल लाई बजेटको कुनै पनि अभाव हुन दिईने छैन- नगर प्रमुख राजेन्द्र कुवँर
साँफेबगर नगरपालिकाका नगर प्रमुख राजेन्द्र बहादुर कुँवरले बयालपाटा अस्पताल लाई बजेटको कुनै पनि अभाव हुन नदिने बताउनु भएको छ । आज बसेको अस्पताल प्रसासन र सरोकार बालाहरु संगको एक कार्यक्रममा बोल्दै नगर प्रमुख कुँवरले बयालपाटा अस्पतालको आर्थीक अवस्था उकास्न आफुहरु हर सम्भव प्रयत्न गर्ने कुरा व्यक्त गर्नु भयो ।
सोही कार्यक्रममा बयालपाटा अस्पतालका लागि अस्पताल सरोकार समिति गठन गरिएको छ । अस्पतालमा देखा परेका आर्थिक समस्या लगायतका अन्य बिषयमा स्थानिय, प्रदेश र केन्द्र सरकारलाई दबाब दिन सरोकार समिती गठन गरिएको हो ।
समितीले केन्द्र, प्रदेश र स्थानिय पालिका संग समेत बयालपाटा असपतालको दिर्घकालिनका लागि बजेटका लागि पहल गर्ने समितीका संयोजक नगर प्रमुख राजेन्द्र बहादुर कुवँरले बताउनु भयो । पछिल्लो केही बर्ष यता बिदेशी दातृ निकायबाट अस्पतालका लागि बजेट कम हुदैँ गएको अवस्थामा अब स्थानिय र प्रदेश सरकारले नै अस्पतालको दिर्घकालिन संचालनका लागि अपनत्व लिुनपर्ने र त्यसका लागि स्थानिय स्तरबाटै पहल गर्न समिती गठन गरिएको नगर प्रमुख कुवँरले बताउनु भयो ।
जिल्लाको साँफेबगर नगरपालिका वडा नं. ७ मा रहेको अस्पतालका लागि साँफेबगर नगरपालिकाका प्रमुख राजेन्द्र कुवँर संयोजक रहने गरी बयालपाटा अस्पताल सरोकार समिती गठन गरिएको हो । समितीमा अछामका १० वटै पालिका प्रमुख, बाजुरा र डोटीको सेवा क्षेत्र भित्रका पालिका प्रमुख, अछाम स्थित राजनितिक दलका प्रमुख प्रतिनिधी, वडा नं. ७ का अध्यक्ष, समाजसेवी, नागरिक र अस्पतालको तर्फबाट समेत सदस्य रहने गरी समिती गठन गरिएको हो ।
समितीले बयालपाटा अस्पताललाई सुदुरपश्चिम प्रदेश सरकार मातहत राख्न प्रदेश सरकारसंग सम्झौता गर्न र बयालापाटा अस्पताल संचालनका लागी अपुग बजेटको माग गर्न पहल गर्ने उद्देश्यले अस्पताल सरोकार समिती गठन गरिएको अस्पतालले जनाएको छ ।
प्रतिक्रिया