ताजा अपडेट
अबदेखी साँफेबगर नगरपालिकाले सामाजिक सुरक्षा भत्ता घर घरमा दिने
अछामको साँफेबगर नगरपालिकाले असाह्य, अशक्त्त र ज्येष्ठ नागरिकलाई सामाजिक सुरक्षा भत्ता घर घरमा गएर प्रदान गर्ने भएको छ । बिहिबार साँफेबगरमा भत्ता वितरण गर्दै आएका बैङ्कहरूको छलफलबाट उक्त निर्णय गरिएको हो ।
त्यस अवसरमा अन्य सामाजिक सुरक्षा भत्ता पनि टोल–टोलमा गएर वितरण गर्ने विषयमा समेत छलफल भएको थियो । नगरपालिकाका ज्येष्ठ नागरिक, अपाङ्ग र असाह्यहरू बैङ्कमा आएर भत्ता लिन नसक्ने भएकाले उनीहरूलाई घरमै पुगेर भत्ता प्रदान गर्न बैङ्कसँग छलफल गरी निर्णय गरिएको साँफेबगर नगरपालिकाका प्रवक्ता मक्कर बहादुर कुँवरले बताउनुभयो ।
ज्येष्ठ नागरिक र अशक्तलाई नगरपालिकाको भौगोलिक विकटताका कारण भत्ता बुझ्न बैंक सम्म आउँदा हुने कष्टलाई मध्य नजर गर्दै सुविधा स्वरूप भत्ता घरमै प्रदान गर्न लागिएको साँफेबगर नगरपालिकाका नगर प्रमुख राजेन्द्र बहादुर कुँवरले बताउनुभयो ।
प्रतिक्रिया