मैले जिन्दगीमा निष्ठाको राजनिती त्यागेको छैन - महामन्त्री खड्का

धिरज कुँवर सोमबार २८, कार्तिक २०७९ १९:२४

मैले जिन्दगीमा निष्ठाको राजनिती त्यागेको छैन - महामन्त्री खड्का

नेपाली कांग्रेसका महामन्त्री मेघराज खड्काले आफुले आफ्नो ४ दशक भन्दा बढी लामो राजनितिक यात्रामा कहिले पनि बिचलित नभएर निष्ठाको राजनिती नत्यागेको बताउनुभएको छ ।

अछाम जिल्लाको साँफेबगरमा आयोजित चुनावी आम सभालाई सम्बोधन गर्दै आफुले लामो राजनितिक यात्रामा आफ्नो व्यत्तिगत लाभ कहिलेई नहेरेको बताउनु भयो । "कर्मण्येवाधिकारस्ते मा फलेषु कदाचन" मतलब "कर्म गर फलको चिन्ता नगर" को सिद्धान्तमा आफु सदैब अडिक रही हमेसा समाज र उत्पिडित वर्गको उत्थानको लागी लागी परेको महामन्त्री खड्काले बताउनुभयो ।

गठबन्धनको तर्फबाट अछाम क्षेत्र नं १ क मा प्रदेस सभा सदस्यका उम्मेदवार रहेका महामन्त्री खड्का आफुलाई यो पटक अछामी जनताले भोट दिएर प्रदेस सभामा पठाएर सेवा गर्ने मौका दिनेमा ढुक्क भएको बताउनुभएको थियो ।