अछाम जिल्लामा निर्वाचनको तयारी सम्पन्न

हाम्रो बुलेटिन शनिबार ०३, मङि्सर २०७९ १६:२७

अछाम जिल्लामा निर्वाचनको तयारी सम्मपन्न भएको छ । निर्वाचनका लागि आवश्यक सम्पूर्ण सामग्रीसहित सबै कर्मचारी बिहीबार नै मतदान केन्द्रमा पुगिसकेका जिल्ला निर्वाचन कार्यालय अछामले जनाएको छ । निर्वाचनको अघिल्लो दिन आज अछामका १४६ वटै बुथमा केन्द्र निर्माण र मतगणना स्थल बनाउने कार्य भईसकेको छ ।

यस पटक निर्वाचन अछाम क्षेत्र नं. १ र २ मा छुट्टाछुट्टै मतगणनास्थल निर्माण भएका छन् । ०७४ को प्रतिनिधिसभा र प्रदेशसभा सदस्यको निर्वाचनमा भने मुख्य निर्वाचन अधिकृतको कार्यालयमै दुवै क्षेत्रको मतपेटिका संकलन गरी गणना गरिएको थियो । जिल्लामा रहेको १ सय ३० मतदान स्थलमा २ सय ११ वटा मतदान केन्द्र कायम गरिएको छ । जिल्लाका सबै केन्द्रमा स्वयम सेबक सहित २ हजार ५ सय ३ जना जनशक्ति खटाइएको छ । यसैगरी जिल्लामा १ लाख ५८ हजार ६ सय ५७ मतदाता रहेका छन ।

प्रतिक्रिया

सम्बन्धित समाचार

Hamro Bulletin