Hamro Bulletin

हाम्रो बुलेटिन - सुचना को नयाँ आयम

बिहिबार, १५ मङि्सर २०७९
प्रचलनमा:

३९ घण्टा पछि पुगे बिच्छयाँका मतपेटिका

३९ घण्टा पछि पुगे बिच्छयाँका मतपेटिका

बाजुराको अति दुर्गम बिच्छयाँका मतपेटिका ३९ घण्टा पछि सदरमुकाम मार्तडी पुगेका छन् । हिमाली गाउँपालिका १ र वडा नम्बर ३ को तिन स्थानको मतपेटिका मंगलवार बिहान ८ बजे मतपेटिका पुगेको निर्वाचन अधिकृतको कार्यालय बाजुराले जनाएको छ ।

सदरमुकाम मार्तडी देखी निकै टाढा रहेको हिमाली गाउँपालिका ३ गुम्बामा रहेको हिमालभक्ति आधारभुक्त बिद्यालय र सोही वडाको गंगा आधारभुक्त बिद्यालय बौडिको बोकेर मतपेटिका ल्याएका थिए । त्यस्तै वडा नम्बर १ मा रहेको बिच्छयाँ माबि मतदान केन्द्रको पनि ढिला पुगेको हो । हेलिकप्टर बाट ल्याउने नभएपछि बोकेर मतपेटिका ल्याएको प्रमुख जिल्ला अधिकारी प्रकाश चन्द अधिकारीले वताएका छन् । तिन मतदान स्थलको पुगे सँगै बाजुरामा सबै ठाउँका मतपेटिका पुगिसकेको निर्वाचन अधिकृतको कार्यलय बाजुराले जनाएको छ ।

बुढिनन्दा नगरपालिका ५ को मतदान केन्द्रमा २८ मत मात्र खसेको छ । मतदान शुरुमै झडप भएपति मतदान अधिकृतले मतदान स्थगित भएको सुचना निकाले थियो । त्यहाँ कहिले मतदान हुने कुनै जानकारी भएको छैन् । बाजुरामा मतगणना कहिले हुने अनिश्चित भएको छ । त्रिवेणी नगरपालिका ७ मा चुनावको बिषयलाइ लिएर दुइजनाको मृत्यु भएको थियो । उनिहरुको शव अहिले सम्म उठन सकेको छैन् । एकातिर मृत्यु भएको शव नबुझनु र अर्कोतिर बुढिनन्दा नगरपालिका ५ मा पनि पुन मतदान हुने ढुंगो नभएपछि मतगणना हुने अनिश्चित भएको छ ।

प्रतिक्रिया