Hamro Bulletin

आर्थिक बर्ष २०८०/०८१ मा सुदूरपश्चिम प्रदेस सरकारबाट ९ करोड विनियोजन गरीएको छ । शुक्रबार सुदूरपश्चिम प्रदेसका अर्थमन्त्रि नरेश कुमार शाहिले प्रस्तुत गरेको बजेटको पुर्णपाठमा नसमेटिए पनि बयालपाटा अस्पताललाई रकम विनियोजन गरीएको सुदूरपश्चिम प्रदेसका अर्थमन्त्रि नरेश कुमार शाहिले पत्रकार सम्मेलन मार्फत जानकारी दिएका हुन् । विशेष स्रोतका अनुसार बयालपाटा अस्पताललाई प्रदेस सरकारले गत बर्ष जतिकै ९ करोड को बजेट विनियोजन गरेको पाईएको छ ।

शनिबार बिहान आयोजित पत्रकार सम्मेलनमा पत्रकारहरु संग आ.ब. २०८०/०८१ को बजेट छोटो र प्रष्ट होस भनेर आफुहरुले यो पटकको बजेटको पुर्णपाठमा प्रत्यक कुरा नसमेटेको तर बजेट भने हरेक क्षेत्रमा विनियोजन गरीएको समेत प्रष्ट पारेका छन् ।

२०६५ सालमा न्याय हेल्थ नेपालले स्थापना गरेको यस अस्पतालले अहिलेसम्म १२ लाख २० हजार भन्दा धेरै बिरामीको निःशुल्क उपचार गरेको छ । जसमा अस्पतालले सबैभन्दा बढी १० लाख १५ हजार जनाले ओ.पि.डि सेवा १ लाख ५० हजार जनालाई आकस्मिक र ७० हजार चार सय ७९ जनालाई अपरेशन सेवा दिएको छ । २५ प्रकारका सेवा दिँदै आएको यो अस्पतालले आन्द्रा, हड्डी र मुटु सम्बन्धी अप्रेसन गर्ने गरेको अस्पतालले जनाएको छ । 

यहाँ उपलब्ध कुनैपनि उपचार सेवामा शुल्क लाग्दैन् । यो अस्पतालमा भर्ना हुने बिरामीको उपचार बापत लाग्ने सबै खर्च अस्पतालले व्यवहोर्ने गरेको अस्पतालका मेडिकल निर्देशक डाक्टर मन्दीप पाठकले बताए । ‘नाम दर्तादेखि औषधि र अन्य कुनैपनि सेवामा शुल्क लाग्दैन्,’ उनले भने,‘पन्ध्र वर्षदेखि निःशुल्क उपचार सेवा दिइरहेका छौं । ’ निःशुल्क र उच्च स्तरको भरपर्दो सेवा पाइने भएका कारण अस्पतालमा सुदूरपश्चिम प्रदेस र कर्णालि प्रदेसका २१ भन्दा बढी जिल्लाका बिरामी उपचारका लागि आउने गरेको उनले बताए । सबैभन्दा बढी अछाम, दैलेख, मुगु, हुम्ला, कालिकोट, दार्चुला, बझाङ, डोटी, कैलाली र बाजुरा जिल्लाका बिरामीहरु उपचारका लागि आउने गरेका छन् । 

नेपाल सरकारसँगको साझेदारीमा सेवा दिँदै आएको बयालपाटा अस्पतालमा हाल ५० शैया रहेका छन् । यहाँ हरेक दिन कम्तिमा दुईसय बढी बिरामीहरु सेवा लिन आउने गरेका छन् । अत्याधुनिक तरीकाबाट माटोको नयाँ भवनहरु रहेको अस्पतालले कोरोना महामारी पछि आर्थिक संकट झेल्दै आईरहेको छ ।

अन्तराष्ट्रिय अनुदानमा ह्रास आएपछि विगत ३ ४ बर्षदेखि बयालपाटा अस्पतालले आर्थिक समस्या खेपिरहेको छ ।