Hamro Bulletin

सुदुरपश्चिम प्रदेसको भौतिक पुर्वाधार विकास मन्त्रालयका सचिव प्रेम दत्त भट्ट, जलस्रोत तथा सिंचाई विकास डिभिजन कार्यालय अछामका प्रमुख खेमराज रेग्मी, साँफेबगर नगरपालिकाका नगर प्रमुख राजेन्द्र बहादुर कुँवर, पुर्वाधार विकास कार्यलय अछामका प्रमुख रुद्र बोगटी, खानेपानि तथा सरसफाई फिल्ड कार्यालय अछामका प्रमुख सुरेश कुमार शाहले साँफेबगर नगरपालिकामा निर्माणाधीन विभिन्न योजनाको आईतबार स्थलगत अनुगमन गर्नु भएको छ । 

प्रदेस र जिल्लाको टोलिले बुढिगंगा नदिमा निर्माणाधिन विभिन्न तटबन्धन योजनाहरु, बैद्यनाथ क्षेत्रमा निर्माण भईरहेको पक्कि तटबन्धन, विभिन्न सिचाँई योजनाहरु, विभिन्न सडकका योजनाहरु, खानेपानि योजनाहरु लगायत भौतिक पूर्वाधार विकास मन्त्रालय अन्तरगतका अन्य योजनाहरुको गुणस्तरीयता र अवस्थाको बारेमा जनप्रतिनिधि, प्राविधिक र पत्रकार सहित विभिन्न निर्माणाधीन  योजनाको गुणस्तर भए नभएका बारेमा स्थलगत अनुगमन गरीएको हो । 

उक्त टोलिले योजनाहरुको स्तलगत अनुगमन, निरीक्षण र आवश्यक निर्देशन समेत दिएको छ । अनुगमन पछि कुराकानी गर्दै सचिव भट्टले केही निर्माणाधीन योजनाको काम सन्तोषजनक भएको बताउनुभएको छ । अनुगमनमा सहभागी जलस्रोत तथा सिंचाई विकास डिभिजन कार्यालयका प्रमुख खेमराज रेग्मीले निमार्णाधिन योजनाको काम अन्तिम चरणमा रहेको जानकारी दिनुभएको छ । अनुगमनको क्रममा नगर प्रमुख कुँवरले योजनाको गुणस्तरका बिषयमा कुनै किसिमको सम्झौता गर्न नसकिने र गुणस्तरहिन सम्पन्न योजनाहरु बिल भरपाईमा समेत रोक लगाउन सकिने भन्दै उपभोक्ता समितिका पदाधिकारी र निर्माण व्यवसायीलाई सचेत गराउनु भएको छ ।

अनुगमनमा नगर प्रमुख राजेन्द्र बहादुर कुँवर, पुर्वाधार विकास कार्यलय अछामका प्रमुख रुद्र बोगटी, खानेपानि तथा सरसफाई फिल्ड कार्यालय अछामका प्रमुख सुरेश कुमार शाह सहित प्राविधिक, जनप्रतिनिधि, राजनितिक दलका प्रतिनिधि र प्रत्रकारहरुको सहभागिता रहेको थियो ।