Hamro Bulletin

मंगलसेन नगरपालिकाको आगामी आर्थिक वर्ष २०८०/८१ को बार्षिक नीति तथा कार्यक्रम पारित भएको छ । नगर प्रमुख पदम बहादुर बोहराले प्रस्तुत गर्नुभएको नीति तथा कार्यक्रम बिहिबार सर्वसम्मत रुपमा पारित भएको हो ।

नगर प्रमुख बोहोराले कृषि उत्पदानमा जोड दिइ पोषण अवस्थामा सुधार ल्याउने, एक घर एक धारा निर्माण गरि नागरिकलाई स्वच्छ खानेपानी खुवाउने, दुधमा आत्मनिर्भर बनाउन भैसि बार्खा र स्थानिय जातका कुखुरापालन व्यवसायलाई प्रवद्धन गर्ने, सबैका लागि शिक्षा भन्ने मुल नारालाइ मुर्त रुप दिन विभिन्न कार्यक्रमहरु संचालन गर्ने, एैतिहासिक सम्पदाको रुपमा रहेको अछाम दरबारको निर्माणकार्यलाई सम्पन्न गर्नका लागि सम्बन्धित निकायमा पहल गर्ने नीति तथा कार्यक्रम नगरसभामा पेश गर्नुभएको थियो ।

यसअघि नगरसभाको उदघाटन समारोहमा जिल्ला समन्वय समिति अछामका प्रमुख ललित बहादुर कुवर प्रमुख अतिथि रहनुभएको थियो भने अछामका प्रमुख जिल्ला अधिकारी शिवराम न्यौपाने विशिष्ट अतिथि रहनुभएको थियो । कार्यक्रममा नगरसभामा प्रतिनिधित्व गर्ने दलहरु नेकपा एमालेको तर्फबाट वडानम्वर ३ का अध्यक्ष बिर्ख बहादुर बोगटी र नेपाली काँग्रेसको तर्फबाट वडाननम्वर १२ का अध्यक्ष खगेन्द्र बहादुर रावलले शुभकामना मन्तव्य व्यक्त गर्नुभएको थियो ।

नगर उपप्रमुख संगिता रावल सोडारीको स्वागत मन्तब्य बाट सुरु भएको नगरसभाको कार्यक्रमको संचालन प्रमुख प्रशासकिय अधिकृत खकेन्द्र बहादुर सोडारीले गर्नुभएको थियो ।