Hamro Bulletin

अछामको चौरपाटि गाउँपालिकालाई पूर्ण खोप सुनिश्चितता पालिका घोषणा गरिएको छ।गाउँपालिकामा ५ बर्ष मुनिका सम्पुर्ण बालबालिकाहरुले खोप पाप्त गरेकाले पूर्ण खोप सुनिश्चितता गाउँपालिका घोषणा गरिएको हो। कार्यक्रमको समापन गर्दै गाउँपालिका खोप समिति संयोजक तथा गाउँपालिका अध्यक्ष भिम बहादुर साउदले चौरपाटि गाउँपालिकाका स्वास्थ्यकर्मी, महिला स्वास्थ्य स्वयंसेविका, जनप्रतिनिधिहरुको अथक मेहनतले पालिकालाई पूर्ण खोप घोषणा गर्न सफल भएका छौँ । पालिकाले महत्वपूर्ण उपलब्धि हासिल गरेको छ । शिक्षा र स्वास्थ्य बालबालिकाको नैसर्गिक अधिकार भएकाले यसलाई निरन्तरताको खाँचो छ । गाउँपालिकाभित्रका बालबालिका खोपबाट वञ्चित हुन नदिने प्रतिबद्धता जाहेर गर्नुभयो । पहिलो चरणमा पालिकाका सबै वडालाई पूर्ण खोप सुनिश्चितता घोषणा गरिएको र हाल सोही तथ्याङ्क र सूचकका आधारमा पूर्ण खोप सुनिश्चितता गाउँपालिका घोषणा गरिएको स्वास्थ्य शाखा प्रमुख खेम बोगटीले बताउनुभयो। पालिकाका ७ वडाबाट १६ देखि ५९ महिनाका सबै बालबालिकाहरूको नामावली सङ्कलन गरी १५ महिनामा पाउनु पर्ने दादुरा रूवेला दोस्रो मात्रा सहित सबै खोप पाए नपाएको यकिन गर्ने र छुट भएका बच्चालाई खोप लगाउने कार्य सकिएको स्वास्थ्य शाखा प्रमुख बोगटीले जानकारी दिए । खोप उमेर समूहका बालबालिकालाई खोप लगाउन स्वास्थ्यकर्मी, महिला स्वास्थ्य संयमसेविका र स्वास्थ्यकर्मीले निरन्तर पहल गरिरहेका छन् । पालिकाभित्र १ प्राथामिक स्वास्थ्य केन्द्र, ५ वटा स्वास्थ्य चौकी १ आधारभुत स्वास्थ्य केन्द्र र ४ वटा सामुदायिक स्वास्थ्य इकाइ रहेका छन्। यस पालिकाभित्र हाल ७ वटा वडा छन्। गाउँपालिका खोप समिति संयोजक तथा गाउँपालिका अध्यक्ष भिम बहादुर साउदको अध्यक्षता भएको कार्यक्रममा चौरपाटि गाउँपालिका उपाध्यक्ष सर देबि खड्का , प्रमुख प्रशासकीय अधिकृत धन बहादुर थापा,७ वटै वडाका वडा अध्यक्ष ,कार्यपालिका सदस्य ,स्वास्थ्यकर्मी लगायतको सहभागिता रहेको कार्यक्रमको संचालन स्वास्थ्य शाखाका रेबन्त बोहराले गर्नुभएको थियो ।