ताजा अपडेट
वर्षौं देखिको खानेपानीको समस्या समाधान, नागरीकका सबै समस्या समाधान गर्नुछ - नगर प्रमुख कुँवर
वर्षौं खानेपानीको समस्या भोग्दै आएका साँफेबगर नगरपालिका ३ सिद्धेश्वर बासिन्दाहरुको अहिले घरघरमा खानेपानी पुगेको छ । सिद्धेश्वरका नौलाकोट,बस्ती गाउँ,माझरुम्टा,चाफातोलाका,खैराला,शंखबेल,टोटासा,कोलगडा,गोलीगाउँ,रातीमाटाका करिब एकसय भन्दा बढी घरधुरीलाई खानेपानी बितरण गरिएको छ । यी टोलहरुले बर्षाेदेखि खानेपानीको चरम अभाव भोग्दै आएका थिए ।
घरघरमा यसरी खानेपानीको धारा पुग्दा खुशीको सिमाना नै नरहेको स्थानीय महिला मिना बिकले बताउनु भयो । उहाँले बर्खाका बुढीगंगाको धमिलो र निकै समय लगाएर पानी लिन जानुपर्ने ठुलो कष्ट हटेको बताउनु भयो । ‘पानीको समस्याले निकै थलिएका थियौ स्थानीय धरु कोलीले भन्नुभयो अब त्यो समस्याबाट मुक्त भयौं ।’
नगरपालिकाको १५ लाखको लागतमा डिप बोरिग मार्फत खानेपानी आयोजनाको काम सम्पन्न भएको हो । खानेपानी आयोजनाको काम उपभोक्ता समिति मार्फत गरिएको हो । खानेपानी आयोजनाको काम अन्तिमचरणमा रहेको उपभोक्ता समितिका सचिब बमबहादुर कुँवरले जानकारी दिनु भयो ।
नगरपालिकाबाट अनुगमन भएपछि काम सम्पन्न हुने कुँवरले बताउनु भयो । चुनाबको बेला गरेको केहि बाचा मध्ये सिद्धेश्वरको खानेपानीको समस्या समाधान गर्न सफल भएको नगर प्रमुख राजेन्द्रबहादुर कुँवरले बताउनु भयो । नागरिकका हरेक समस्या समाधानका लागी दिनरात आफु तत्पर रहेको भन्दै नगर प्रमुख कुँवरले केहि हदसम्म समस्या समाधान गर्न सफल भने भएको जिकिर गर्नुभयो ।
अछामकै मुख्य व्यापारीक केन्द्र साँफेबजारसंग जोडिएका यी टोलहरुमा विगत लामो समयदेखि खानेपानीको चरम अभाव रहेको थियो ।
प्रतिक्रिया