लघुवित्तका गुनासो सुन्न राष्ट्र बैंकले स्थापना गर्यो छुट्टै डेस्क
वित्तीय संस्थाको बारेमा आएका समस्या र गुनासो अब सिधै नेपाल राष्ट्र बैंकमा पुर्याउन सकिने भएको छ । नेपाल राष्ट्र बैंकका अनुसार लघुवित्तका सदस्यहरुको गुनासो सुन्नका लागि छुट्टै डेस्क स्थापना गरेको हो । पैसा नलाग्ने फोन नम्बर १८१०५००००२२ मार्फत गुनासो सुनुवाइ डेस्कमा आफ्नो गुनासो दर्ता गर्न सक्नेछन् ।
लघुवित्त वित्तीय संस्थाहरुसँग बचत तथा कर्जा कारोबार गरिरहेका सरोकारवाला सदस्यहरुले लघुवित्त वित्तीय सेवासम्बन्धी गुनासो सम्बोधनका लागि लघुवित्त संस्था सुपरिवेक्षण विभागमा गुनासो सुनुवाइ डेस्क स्थापना भएको हो ।
पछिल्लो समय लघुवित्त वित्तीय संस्थाविरुद्ध ऋणीहरुले विभिन्न ठाउँमा कार्य अवरोध गर्ने, कर्मचारीलाई धम्क्याउनेजस्ता समस्या देखिएका छन् । सर्वसाधारणका जायज समस्या सम्बोधन गर्ने उद्देश्यले उनीहरुको गुनासो टिपोट गर्न छुट्टै डेस्क स्थापना भएको राष्ट्र बैंकले जनाएको छ ।
राष्ट्र बैंकका अनुसार राष्ट्र बैंकको अनलाइन गुनासो पोर्टलबाट वा इमेल मार्फत पनि गुनासो दर्तौ गर्न सकिने छ । साथै नेपाल राष्ट्र बैंकको जुनसुकै कार्यालयमा निवेदन दर्ता गर्न सकिने राष्ट्र बैंकले जारी गरेको सूचनामा उल्लेख छ ।
प्रतिक्रिया