Hamro Bulletin

अछामको मंगलसेन नगरपालिकाले सामाजिक सुरक्षा र राजश्व सम्वन्धि सेवा प्रवाहका लागि वडँ स्तरमै टोलि परिचालन गरेको छ । सामाजिक सुरक्षा शाखा र राजश्व शाखाका कर्मचारीहरु परिचालन गरि वडा स्तरमै सामाजिक सुरक्षा भत्ता परिचयपत्र नविकरण तथा एकिकृत सम्पत्त कर र व्यवसाय दर्ता नविकरण समेवन्धि सेवा प्रदान गर्न सुभारम्भ गरिएको हो ।

नगरपालिकाले हरेक वर्ष आर्थिक वर्षको सुरुमै १४ वटै वडामा घुम्ति सेवा प्रदान गरि नागरिकलाई सेवा प्रदान गर्दै आईरहेको छ । सोहि कार्यक्रम अन्तरगत यस वर्ष पनि १४ वटै वडाको कार्यतालिका बनाएर टोलि परिचालन गरिएको नगरपालिकाका निमित्त प्रमुख प्रशासकीय अधिकृत खकेन्द्र बहादुर सोडारीले बताउनुभयो । यसबाट सामाजिक सुरक्षा भत्ता प्राप्त गर्ने नागरिकहरु र भूमि कर, व्यवसाय नविकरण तथा नयाँ दर्ता गर्ने नगरवासिहरुलाई आफ्नै वडामा एकैपटक सेवा प्रदान गरिदा नजिकको सरकारको अनुभूति हुने गरेको छ ।

यस वर्षको अभियान वडानम्वर १ र २ बाट शुक्रबार देखि सुरुवात गरिएको छ । जस अन्तरगत वडानम्वर १ मा ३ सय ३६ जना सामाजिक सुरक्षा भत्ता लाभग्राहिहरुको परिचयपत्र नविकरण गरिएको छ भने वडानम्वर २ मा ६१ जनाले सो सेवा लिएका छन । यस्तै वडानम्वर १ मा १४० जनाले एकिकृत सम्पत्ति कर सम्वन्धि सेवा लिँदा ३४ हजार ३ सय ६६ राजश्व शंकलन भएको छ भने ५ जनाले व्यवसाय दर्ता नविकरण सम्वन्धि सेवा लिँदा १३ हजार ४ सय राजश्व संकलन भएको छ । यसैगरि वडानम्वर २ मा ४२ जनाले एकिकृत सम्पत्ति कर सम्वन्धि सेवा प्राप्त गरेका छन । जसबाट ९ हजार २ सय ६६ रुपैयाँ राजश्व संगलन गरिएको छ ।

समग्रमा २ वटै वडामा गरि ३९७ जनाले सामाजिक सुरक्षा भत्ता सम्वन्धि सेवा र १८७ जनाले एकिकृत सम्पत्ति र व्यवसाय सम्वन्धि सेवा लिएका छन । २ वटै वडामा गरि ५७ हजार ५ सय ४९ रुपैयाँ राजश्व समेत संकलन भएको छ ।

२ वटै वडँमा सम्वन्धित वडाका वडा अध्यक्ष लोकराज नाथ र देबेन्द्र बहादुर बोगटी सहितका जनप्रतिनिधिहरुको संलग्नता रहेको थियो भने नगरपालिकाबाट राजश्व शाखा प्रमुख दिपक खड्का, सामाजिक सुरक्षा तथा पञ्जिकरण शाखा प्रमुख एकेन्द्र बहादुर बोगटी, एम आई एस अपरेटर होम बहादुर साउद, फिल्ड सहायक दिल बहादुर केसी, वडा सचिव नन्दराज ढुंगाना, डण्डी प्रसाद ढुंगाना, वडाका कर्मचारी हिरण्ड बोगटी र हिरण्ड नाथ लगायतका कर्मचारीहरुले सेवाप्रवाह गर्नुभएको थियो ।

१४ वटै वडामा संचालन गरिने यो अभियान ७ गते देखि ९ गते सम्म वडा नम्वर १३ मा संचालन गरिने र कार्यतालिका अनुसार श्रावण २४ गते भित्र नगरका सबै वडामा अभियान सम्पन्न गरिसकिने नगरपालिकाका सूचना अधिकारी बिष्णु प्रसाद जैशीले जानकारी दिनुभयो ।