Hamro Bulletin

पञ्चदेवल विनायक नगरपालिका स्वास्थ्य कार्यक्रमकाे बार्षिक समिक्षा गाेष्ठि सम्पन्न भएको छ । आर्थिक वर्ष २०७९/०८० काे स्वास्थ्य क्रियाकलापकाे समिक्षा गर्दै दुई दिने गाेष्ठि नगरपालिकाकाे हलमा सम्पन्न भएको हाे ।

नगरपालिकाका ९ वटै वडाहरूका स्वास्थ्य संस्थाहरूबाट प्रवाह भएको स्वास्थ्य सेवा बारे स्वास्थ्य चाैकी प्रमुख तथा नगरपालिकाका स्वास्थ्य शाखा संयाेजकले आफ्नो तथ्यांक प्रस्तुत गरेका थिए ।

स्वास्थ्य संस्थाबाट प्रवाह हुने सम्पुर्ण सेवा सुविधा बारे जानकारी गराउँदै सम्पुर्ण स्वास्थ्य संस्था प्रमुखहरूले मापदण्डअनुसारकम भवन नहुँदा सेवा प्रवाहमा समस्या भइरहेको गुनासो गरेका छन् ।

नगर प्रमुख अम्बिका चलाउनेकाे अध्यक्षतामा सम्पन्न भएको दुई दिने गाेष्ठिमा स्वास्थ्य सेवा मानवीय जीवनको महत्त्वपूर्ण धन भएकाले जिम्मेवार भएर सेवा प्रवाह गर्न नगर प्रमुख चलाउने ले सुझाव दिइन् ।
जीवन स्वस्थ राख्न स्वास्थ्य संस्थामा उपलब्ध स्राेत साधनहरूकाे सहि रूपमा सदुपयोग नगरेको प्रति चिन्ता व्यक्त गर्दै उनले स्वास्थ्य सेवा जस्तो संवेदनशील क्षेत्रमा अल्छी नगर्न आग्रह गरिन् ।

स्वास्थ्य सेवालाई आफ्नो कार्यकाल भरि पहिलो प्राथमिकतामा राखेर स्वस्थ नागरिक बनाउने यात्रा निरन्तर कायम रहने नगर प्रमुख चलाउनेकाे भनाई छ ।

कार्यक्रममा ९ वटै वडाका वडा अध्यक्षहरूकाे सहभागीता रहेको थियो । दुई दिने स्वास्थ्य कार्यक्रमहरूकाे गाेष्ठिकाे सहजीकरण जिल्ला स्वास्थ्य कार्यालय अछामका बरिस्ठ जनस्वास्थ्य अधिकृत झनक ढुंगाना र झपट ढुंगानाले सहजीकरण गर्दै सम्पूर्ण स्वास्थ्यकर्मी हरूलाई सेवा प्रवाहकाे सहि रूपमा रिपोर्टिङ गर्न आग्रह गरेका छन् ।