ताजा अपडेट
डडेलधुरामा बाढीमा फसेका २ जनाको उद्धार
डडेलधुरामा बाढीमा फसेका २ जनाको उद्धार गरिएको छ। परशुराम नगरपालिकामा पर्ने पुन्तुरा खोलामा आएको बाढीमा फसेका २ जनाको सकुशल उद्धार गरिएको हो।
मंगलबार साँझ ६ बजेदेखि नदीको टापुमा फसेका परशुराम नगरपालिका—४ का महेश भाट र तेज भाटलाई राति साढे १२ बजे सकुशल उद्धार गरिएको हो।
उनीहरूको उद्धारमा नेपाल प्रहरी, सशस्त्र बल प्रहरी, नेपाली सेना, जनप्रतिनिधि, नगरपालिका कर्मचारी र स्थानीय युवा खटिएका थिए।
प्रतिक्रिया