ताजा अपडेट
बाढीबाट कैलालीमा हजार बढी परिवार प्रभावित
धनगढी । कैलालीमा बाढीबाट १ हजार १२ परिवार प्रभावित भएका छन् । विभिन्न नदीमा आएको बाढीले डुबान भएपछि उनीहरु प्रभावित भएका हुन् ।
जिल्ला प्रशासन कार्यालय कैलालीका अनुसार भजनी नगरपालिका २४३ , कैलारी गाउँपालिकामा १५५, जोशीपुर गाउँपालिकामा १८०,टिकापुर नगरपालिकामा १६१,जानकी गाउँपालिकामा २५०,गोदावरी नगरपालिकामा ७ र धनगढी उपमहानरपालिमा १६ परिवार बिस्थापित भएका हुन ।
भजनी नगरपालिकामा स्थानीयका घरमा बाढी पसेपछि जनप्रतिनिधिसहितको टोली उद्धारमा खटिएको थियो । प्रतिनिधि सभा सदस्य गङ्गाराम चौधरी, नगरप्रमुख केवल चौधरीसमेत विपतमा परेका भजनीबासीको उद्धार र उनीहरुको सामान सुरक्षित स्थानसम्म सार्ने कार्यमा खटिएका छन ।
प्रतिक्रिया