ताजा अपडेट
एयरपोर्ट बजार व्यवस्थापन समितिद्धारा सरसफाई अभियान
धनगढी । अछाममा एयरपोर्ट बजार व्यवस्थापन समितिले साँफेबगर नगरपालिका वडा नम्बर ४ को मुख्य बजारमा सरसफाइ कार्यक्रम गरिएको छ ।
साँफेबगर एयरपार्ट बजार व्यावस्थापन समितीको आयोजनामा सरसफाई कार्यक्रम गरिएको हो । कार्यक्रममा साँफेबगर बजार व्यावस्थापन समितिका अध्यक्ष राम बहादुर कुँवरले नगरबासीलाई आ आफ्नो घर आँगन सफा राख्न र जथाभाबी फोहोर नगर्न आग्रह गर्नुभएको छ । यस्तै फोहोर बाहिर फाल्नु हुँदैन भन्ने चेतनाको विकास गराउनु नै अभियानको लक्ष्य भएको अध्यक्ष कुँवरले बताउनुभयो । बजार लाई सफा सन्दर राख्नु पर्छ भन्ने उद्देश्यले सरसफाई अभियानको थालनी गरीएको उँहाले बताउनु भयो।
सरसफाई कार्यक्रममा जनप्रतिनिधी, कर्मचारी, बुद्धिजीवी, नागरिक समाज, शसत्र प्रहरी, इलाका प्रहरी कार्यालय लगाएत बजारबासि स्थिानिय नागरिकहरुको उपस्थिति रहेको थियो । समितिले महिनाको अन्तिम शनिवार सरसफाई कार्यक्रम गर्दे आएको छ ।
यस्ता सरसफाईका अभियान अघि बढाइने र ‘सरसफाई अभियानका लागि कार्ययोजना बनाएको अध्यक्ष कुवँरले बताए ।
प्रतिक्रिया