Hamro Bulletin

अछामःसेवा प्रदायक र सेवा ग्राही बिच अन्तरक्रिया कार्यक्रम कमलबजारमा सम्पन्न भएको छ ।

आस्था नेपालको आयोजना तथा कमलबजार नगरपालिकाको समन्वयमा र वल्र्ड भिजन इन्टरनेशनल आस्था नेपालको प्राबिधिक सहयोगमा सेवा प्रदायक र सेवा ग्राही बिच अन्तरक्रिया कार्यक्रम सम्पन्न गरिएको हो ।

कमलबजार नगरपालिका वडा नम्बर २ का वडा अध्यक्ष दिर्घा टमट्टाको अध्यक्षतामा कार्यक्रम गरिएको हो ।

 अध्यक्षता ग्रहण गर्दै वडा अध्यक्ष टमट्टाले बालबालिका र सुनौला हजार दिनका आमाहरुका लागि वडा बाट उचित राहतको व्यवस्था गर्ने र किशोरीलाई उच्चस्तरीय शिक्षा सम्म पढाउने आमाबुबा लाई वडा बाट पुरस्कृत गर्ने बताउनु भयो ।

यस्तै आफ्नो बच्चालाई नियमित चेकजाँच गराउने बानी पार्न पनि आग्रह गर्नुभयो । बच्चालाई कुपोषण देखियको भए बच्चालाई पोषण युक्त सामाग्री बितरण गर्ने बताउनु भयो ।

कार्यक्रमका सम्पूर्ण सहभागी पदाधिकारीले आफ्नो शाखाले गरेका कामहरुको जानकारी गराएका थिए । आगामी दिनमा पालिका अन्तरगतका बिभिन्न शाखाबाट प्रदान गरिने सेवा सुबिधालाई थप प्रभावकारी कसरी बनाउन सकिन्छ भन्ने बिषयमा छलफल गएिको थियो

।
उक्त कार्यक्रममा महिला बालबालिका तथा जेष्ठ नागरिक शाखा प्रमुख डम्बर ढुंगाना , आस्था नेपालका जिल्ला कार्यसमिति कोषाध्यक्ष लक्ष्मण बिष्ट , उजुरी प्रशासन शाखाबाट पबित्रा भण्डारी पोषण शाखा बाट दुर्गा सिजापती , रुडेक नेपालका सामाजिक सहजकर्ता तपेन्द्र बिष्ट , सुनौलो हजार दिनका आमाहरु किशोर किशोरीहरु पत्रकार लगायतको सहभागीता रहेको कार्यक्रमको सहजीकरण आस्था नेपालका फिल्ड अधिकृत दिल बहादुर शाहीले गर्नु भएको थियोे ।