Hamro Bulletin

बाजुराको मुख्य राजमार्गका रुपमा रहेको साँफे–मार्तडी राजमार्ग आइतबार मध्यरातिबाट पहिरो आएपछि राजमार्ग अवरुद्ध भएको छ ।
 लगातारको अविरल वर्षाका कारण उक्त राजमार्गको अम्कोटमा पहिरो आएपछि सोमबार विहानबाट पूर्ण रुपमा अवरुद्ध भएको जिल्ला प्रहरी कार्यालय बाजुराले जनाएको छ । 
मुख्य सडकका रुपमा रहेको उक्त राजमार्गमा अम्कोट माथिबाट आएको पहिरोका कारण करिव पाँच सय मिटर लामो पहिरो असेपछि अवरुद्ध भएको जिल्ला प्रहरी कार्यालय बाजुराका प्रहरी निरिक्षक कविन्द्रसिं बोहराले जानकारी दिएका छन् । 
उनले दिएको जानकारी अनुसार राजमार्गमा संचालन हुदै आएका लामो र छोटो दुरीका सवारी साधन ठप्प भएको बताएका छन् । अवरुद्ध भएको राजमार्ग पानी रोकिएपछि खोल्ने तयारीमा रहेको प्रमुख जिल्ला अधिकारी पुष्कर खड्काले बताएका छन् ।
लगातारको अविरल वर्षाका कारण मार्तडी–कोल्टी र मार्तडी घटमुना सडक अवरुद्ध अवस्थामा रहेका छन् । सुदूरपश्चिम प्रदेशका गौरवका सडक एक महिनादेखि अवरुद्ध छन् ।