ताजा अपडेट
देशभर डेंगुका १३ हजार २ सय ९२ विरामी, ११ जनाको मृत्यु
देशभरि डेंगुका विरामीको संख्या १३ हजार २ सय ९२ जना पुगेकाे छ। हालसम्म ११ जनाको मृत्यु भइसकेको छ।
इपिडिमियोलोजी तथा सरुवा रोग नियन्त्रण महाशाखाका अनुसार हाल देशका ७४ जिल्लामा डेंगु फैलिँएकाे छ ।
महाशाखाका निर्देशक डा रुद्रप्रसाद मरासिनीले लगातार परिरहेको पानीका कारण तथा सरसफाइमा ध्यान नदिँदा डेंगुका विरामी बढिरहेको बताउनुभयाे ।
डेंगुका सबैभन्दा धेरै विरामी सुनसरीमा देखिएको छ। महाशाखाका अनुसार सुनसरीमा ७ हजार ८९ जना डेंगुका विरामी भएका छन्।
मोरङमा १ हजार ५९१, धादिङमा १ हजार २०२, झापामा ८९६, कास्कीमा २४७, धनकुटामा २३६, काठमाडौँमा १९६, दार्चुलामा १९४, सङ्खुवासभामा १५६ तथा चितवनमा ९० जना डेंगुका विरामी पुष्टि भएको इपिडिमियोलोजी तथा सरुवा रोग नियन्त्रण महाशाखाले जनाएको छ।
प्रदेश गत रूपमा हेर्दा डेंगु सबैभन्दा बढी कोशी प्रदेशमा फैलिएको छ। कोशीमा १० हजार १८२ जना डेंगुबाट विरामी भएका छन्।
बागमती प्रदेशमा १ हजार ७९३, गण्डकीमा ५१०, सुदूरपश्चिममा ४१७, लुम्बिनीमा २६३, मधेशमा ९२ र कर्णाली प्रदेशमा ३६ जना डेंगुका विरामी देखिएको महाशाखाले जनाएको छ।
सम्बन्धित समाचार
ट्रेन्डिङ
ताजा अपडेट
-
साँफेबगर नगरपालिका र खाद्य व्यवस्था कम्पनीबीच सम्झौता, अब किसानको उत्पादन सिधै डिपोमार्फत बजारमा
-
उज्यालो बाँड्ने शिक्षक अझैं सम्पर्क बिहिन, परिवार अन्धकारमा
-
अछामी सम्पर्क समिति युएई : प्रेम बोगटीको नेतृत्वमा नयाँ कार्यसमिति चयन
-
एनआरएनए तास्मानिया राज्य समिति सदस्यमा खेम कुँवरको उम्मेदवारी घोषण
-
दश करोडमा खेलकुद मैदान निमार्ण गरी हस्तान्तरण
प्रतिक्रिया