ताजा अपडेट
अछाममा जंगली जनावर बँदेलको आक्रमणबाट महिलाको ज्यान गयो
अछाम : अछाममा जंगली जनावर बँदेलको आक्रमणबाट एक महिलाको ज्यान गएको छ । बिहीबार साँझ बँदेलको आक्रमणबाट तुर्माखाँद गाउँपालिका–३ की २६ वर्षीय दिला बयकको ज्यान गएको हो ।
स्थानीय धनबहादुर बुढाका अनुसार चितासैनबाट मास गोडेर घर फर्किने क्रममा उनलाई बँदलले आक्रमण गरेको थियो । अस्पताल लैजाने क्रममा उनको मृत्यु भएको बुढाले बताए ।
सिकार खेल्न गएका सिकारीहरुले बँदेललाई गोलि हान्दा घाइते भएको बेदेलले आक्रमण गरेको हुनसक्ने बुझिएको छ ।
उनका दुई छोरी र एक छोरा छन् ।
प्रतिक्रिया