Hamro Bulletin

धिरज कुँवर (अछाम)

        सामाजिक क्षेत्रमा काम गर्दै आइरहेको गैरराजनीतिक तथा सामाजिक संस्था दारी ग्याङ अछाममा पनि बिस्तार भएको छ । दारी ग्याङ धनगढी का संयोजक दिनेश बोहरा  को पहल मा बिस्तार भएको  दारी ग्याङ अछामको संयोजकमा उमेश राणा कुवँर सर्वसम्मत चयन गरिएको छ । उहाँका अनुसार दारी ग्याङ अछामले समाज रुपान्तरण तथा स्थानीय स्तरमा रहेका विभिन्न पक्षमा जनचेतनामूलक अभियान सञ्चालन गर्नेछ ।

          अछामका पर्यटकीय स्थलको संरक्षण र प्रचार प्रसार गर्ने, रक्तदान गर्ने एवं सचेतना प्रदान गर्ने कार्यक्रम सञ्चालन गर्ने बताएका छन्। यस्तै प्राकृतिक विपतमा परेकालाई भौतिक, आर्थिक सहयोग गर्दै जाने र समान उद्देश्य बोकेका संस्थाहरुसंग सहकार्य गर्ने समूहका संयोजक कुवँरले बताउनुभयो । समाजका विकृतिका विरुद्ध अभियान चलाउने र यसको लागि योजना बनाइरहेको उहाँले बताउनुभयो ।

          चार बर्ष अघि सामाजिक संजाल बाट सुरु भएको दारी ग्याङ नेपालका ३१ भन्दा बढि जिल्लाहरुमा बिस्तार भएको कुँवरले बताउनुभयो । जसको सहसंयाेजकमा ,धिरज कुवँर ,सचिवमा नमराज भण्डारी, कोषाध्यक्षमा सुशिल भण्डारी ,सहसचिवमा दिनेश कुवँर मिडिया संयोजकमा पूर्ण खड्का ,प्रविधि संयोजकमा,रमेश महर , सल्लाहकारमा खेमराज ढुंगाना र अमित खड्का चयन भएका छन ।