Hamro Bulletin

साउन ३२ , काठमाडौं

नेपाल फोटो पत्रकार महासंघलाई ई-सेवाले १ सय थान प्रेस ज्याकेट सहयोग प्रदान गरेको छ । उक्त परिणामको प्रेस ज्याकेट ईसेवाका प्रमुख बजार व्यवस्थापक युवराज विष्टले काठमाडौंमा आईतबार महासंघका केन्द्रिय अध्यक्ष ध्रुब आलेलाई एक संक्षिप्त कार्यक्रमका विच हस्तान्तरण गर्नुभयो ।

कोरोना महामारिले निम्त्याएको लकडाउनको अवस्थामा फोटो खिच्न कार्यक्षेत्रमा जानैपर्ने फोटोपत्रकारको पेशागत दयित्वका कारण प्रेस ज्याकेटको माग बढेपछि महासंघले विभिन्न संस्थाहरुसंग सहयोग जुटाउन पहल गरेको थियो । महासंघले जिल्ला तथा प्रदेशबाट माग भईआएको विभिन्न परिणामको प्रेस ज्याकेट, मास्क र सेनीटाईजरहरु कार्यक्षेत्रमा सक्रिय फोटोपत्रकारहरुलाई उपलब्ध गराउँदै आएकोछ ।

कार्यक्रममा एफवन सफ्ट ईन्टरनेसनलका सीओओ शिशिर पछाईंलगायतको उपस्थिति रहेको थियो । महासंघको तर्फबाट केन्द्रीय उपाध्यक्ष सागर श्रेष्ठ , केन्द्रीय महासचिव हरिप्रसाद रेग्मी, केन्द्रीय सहसचिव नरेश श्रेष्ठ र काठमाडौं शाखाका सचिव किरण पन्थ लगायतको सहभागीतामा सामाग्री वितरण गरिएको थियो ।