Hamro Bulletin

अछामः साँफेबगर सामुदायिक सिकाई  केन्द्रले  साँफेबगर नगरपालिका वडा न. ४ मस्टामान्डौ स्थित सरकारी बिद्यालयका  अति बिपन्न तथा उत्कृष्ट बालबालिकाहरुलाई शैशिक सामाग्री बितरण गरको छ । साँफेबगर सामुदायिक सिकाई  केन्द्रका अध्यक्ष अप्सरा कुँवरको अध्यक्षतामा भएको कार्यक्रममा साँफेबगर नगरप्रमुख राजेन्द्र बहादुर कुँवर प्रमुख अतिथि रहनु भएको थियो भने बिशिष्ट अतिथि नगर उप प्रमुख शिव बहादुर कुँवर सिलोज रहनु भएको थियो ।

'कार्यक्रममा प्रमुख अतिथि कुँवरले नगर भित्रका अति बिपन्न तथा बिद्यालय जान नपाएका बालबालिकाहरुलाई नगरले खोजी गरेर सहयोग गर्ने बताउनु भएको छ ।  साथै नगर प्रमुख कुँवरले शैशिक सामाग्री बितरण गरेकोमा साँफेबगर सामुदायिक सिकाई  केन्द्रलाई धन्यवाद ज्ञापन गर्दै आगामी दिनमा पनि यस्तै सहयोगको निरन्तरताको लागी अनुरोध समेत गर्नुभएको थियो। सामुदायिक केन्द्र साँफेबगरको आयोजनामा भएको कार्यक्रममा  ५१ जना अति बिपन्न तथा उत्कृष्ट बालबालिकाहरुलाई कापी कलम , झोला लगाएतका शैशिक सामाग्री बितरण गरीएको हो ।

'कार्यक्रममा वडा नं ४ का वडा अध्यक्ष नवराज बुढा,शिक्षा शाखा प्रमुख हिरादत्त भट्ट ,जेष्ठ नागरीक कालु सिंह कुँवर,जनकल्याण मा.बिका शिक्षक जानकी कुँवर,हिमालय ठुला माबिका शिक्षक राजेन्द्र शर्मा लगाएतको सहभागिता रहेको थियो । भगवती आधारभुत बिद्यालयका शिक्षक चक्र कुँवरले स्वागत मन्तव्य राख्नु भएको कार्यक्रममो सञ्चालन राजेन्द्र कोलीले गर्नु भएको थियो ।