Hamro Bulletin

अछाम : जिल्लाको चौरपाटी गाउँपालिकामा स्थानीय कृषि उपजमा आधारित विद्यालय दिवा खाजा कार्यक्रमको सुरुवात गरेको छ । वडा नं.१ सिउडी स्थित सिउडी माध्यामिक विद्यालयबाट कृषि उपजमा आधारित विद्यालय दिवा खाजा कार्यक्रमको सुरुवात गरेको हो ।

स्थानीय कृषि उपजमा आधारित विद्यालय दिवा खाजा कार्यक्रमको एक कार्यक्रमका विच गाउँपालिकाका अध्यक्ष भीमबहादुर साउदले शुभारम्भ गरे । विद्यालय दिवा खाजा कार्यक्रमको शुभारम्भ गर्दै गाउँपालिकाका अध्यक्ष साउदले दिवा खाजा कार्यक्रमले स्थानीय उत्पादनबाट विद्यार्थीलाई ताजा पौष्टिक आहार प्रदान गर्नुका साथै स्थानीय स्तरमा रोजगारीको अवसर प्रदान हुने धारणा व्यक्त राखे ।

गाउँपालिकामा रहेका नाङ्गा डाँडालाई यो कार्यक्रमले हरियालि प्रदान गर्ने समेत अध्यक्ष साउदको विश्वास छ । गाउँमै प्रशस्त मात्रामा कृषिजन्य बस्तुको उत्पादन गर्न सकेमा आत्मनिर्भरको लागि सहज हुने उनले बताए । गाउँपालिकाको नीति तथा कार्यक्रममा कृषि क्षेत्रलाई उच्च प्राथमिकता दिएको बताउँदै उनले यो कार्यक्रम लागुभएसँगै यसले सार्थक्ता पाउने बताए । 

कार्यक्रममा वोल्दै समितिका संयोजक एवंम गाउँपालिकाका उपाध्यक्ष सरदेवि खड्काले विद्यालय दिवा खाजा कार्यक्रममा शुद्ध गाउँमा उत्पादित कृषजन्य बस्तुको मात्रै प्रयोेग गर्न आग्रह गरिन् । वालवालिकाले ताजा दिवा खाजा खान पाउनुका साथै कृषक र समुदायको आर्थिक अवस्थामा समेत परिवर्तन आउने उनको भनाई छ ।  

सहयोगि संस्था विश्व खाद्य कार्यक्रमका संयोजक विराट भण्डारीले स्थानीय दिवा खाजा कार्यक्रमले वालवालिकाले ताजा दिवा खाजा खान पाउनुका साथै कृषक र समुदायको आर्थिक अवस्थामा समेत परिवर्तन आउने धारणा व्यक्त गरे । शिक्षा युवा तथा खेलकुद शाखाका प्रमुख रामचन्द्र जोशीले दिवा खाज कार्यक्रमले शिक्षण सिकाइमा बालबालिकाको सहभागिता वृद्धि गरि सिकाइ स्तर सुधारमा मद्दत पुग्ने बताए ।

आधारभूत तहका विद्यार्थी कुपोषित नहोउन, उनीहरुको शारीरिक र मानसिक विकास होस् भन्ने उद्देश्यले सरकारको राष्ट्रिय कार्यक्रम अन्र्तगत विद्यालयमा दिवा खाजा कार्यक्रम लागु गरेको उनको भनाई रहेको छ । दिवा खाजा कार्यक्रम अन्र्तगत विद्यालयमा सरकारले लागु गरेको आधारभूत तहको शिशु कक्षादेखि कक्षा ५ सम्म अध्ययन गर्ने विद्यार्थीलाई स्थानिय तहको नियमानुसार विद्यालयले अनुकुल अनुसार खाजाको व्यवस्था गरिने जानकारी दिए ।

पोष्टिक आहारमा पोषिलो जाउलो,  क्वाटी र कोदोको पुवा विद्यार्थीलाई खुवाउनु पर्नेछ ।  वडा नंं. सिउडीका सामुदायीक विद्यालयमा दिवा खाजाको जिम्मेवारी  सिउडी वचत तथा ऋण सहकारी संस्था, वडा नं.३ गगुडा, वडा नं.५ लुंग्रा र वडा न. ७ मार्कुमा त्रिपुरा कृषि सहकारी संस्था , वडा नं.४ पायलमा प्रगतिशिल कृषि, पायल वचत तथा ऋण सहकारी र राधाकृष्ण वहुउद्देश्यी संहकारी संस्था र वडा नं.६ दुनीमा शिद्धवावा वचत तथा ऋण सहकारीले सामुदायीक विद्यालयमा दिवा खाजा कार्यक्रम खुवाउने छन् । दिवा खाजा कार्यक्रममा वाक नेपाल, विश्व खाद्य कार्यक्रम र मर्सिकोर नेपालको प्राविधिक सहयोग रहेको छ ।