ताजा अपडेट
बाजुरामा चट्याङ लागेए ११ वर्षीय बालिकाको मृत्यु
बाजुरा ःबाजुरामा गएराती चट्याङ लागेर एक बालिकाको मृत्यु भएको छ । बडीमालिका नगरपालिका वडा न. ६ कोर्धका स्थानीय तुला रावलकी ११ वर्षीय छोरी परु रावलको मृत्यु भएको बताइएको छ ।
बजेको समयमा चट्याङका कारण उनको मृत्य भएको वडा न. ६ का वडा सदस्य तथा कार्यवाहक वडा अध्यक्ष परे बडुवालले जानकारी दिएका छन् । उनका अनुसार बालिका सहित तीन पशुचौपाया पनि मरेको बताइएको छ । ११ वर्षिय बालिका संगै एक भैँसि र भैँसिको पाडो र एक गोरु पनि मरेको बताइएको छ । मृतक रावलका बुवा सहित तीन जना मागथला नाम गरेको लेखमा खरक हालेर बस्दै आएका थिए ।
उक्त लेखमा करीब १ घण्टाको बाटो हिडेर पुगिन्छ । चट्याङका कारण बालिका संगै अन्य दुई जना पनि बेहोस अवस्थाम आफन्तले भेटेको तर अहिले भने उनिहरुको होस खुलेको कार्यवाहक अध्यक्ष बडुवालले बताए । मृतक बालिका गाँउमै रहेको नेरा आधारधुत बिद्यालयमा कक्षा २ मा अध्यनन्रत थिइन् ।
प्रहरीलाई खबर पश्चात् प्रहरीको टोली घटनास्थल तर्फ बिहान ५ बजे नै गैसकेको जिल्ला प्रहरी कार्यालय बाजुराका प्रहरी प्रमुख डीएसपी कबिन्द्र बोहराले बताएका छन् । घटना बारे चट्याङ परेको भन्ने खबर आएपनि अन्य आधिकारिक जानकारी भने नआएको उनले बताए । घटना बारे थप जानकारी आउन बाँकी छ ।
प्रतिक्रिया