Hamro Bulletin

नयाँ शहर आयोजना कार्यालय साँफेबगर अछामलाई साँफेबगर एयरपोर्ट बजार ब्यवस्थापन समितिद्वारा ध्यानाकर्षण पत्र बुझाइएको छ ।

नयाँ शहर आयोजना कार्यालयले जनताका अपेक्षा , कार्यालयको मापदण्ड र डिपिआर अनुसार काम नगरेको भन्दै ध्यानाकर्षण पत्र बुझाएको हो ।

पहाड बाट भइरहेको बढ्दो बसाइँसराइलाई रोक्ने उद्देश्यका साथ निर्माणका क्रममा रहेकोे पहाडी जिल्लाको सुन्दर नगरी साँफेबगरमा भौतिक संरचना निर्माण कार्यमा र विकासका हिसाबले द्रुत गति लिन नसकेको भन्दै उक्त ध्यानाकर्षण पत्र बुझाइएको हो ।

ल्याण्डपोलिङ (जग्गा एकीकरण ) कार्य छिटो परिनुपर्ने ,एयरपोर्ट बजार भित्र रहेका नालीहरु निर्माण र मर्मत ,सडक पिच , बजार क्षेत्रभित्र रहेका सडक सोलार बत्तिहरु मर्मत गरिनुपर्ने ,यथाशीघ्र जग्गा फिर्ता (जग्गा एकीकरण अन्तरगत)हाल सम्मको क्षतिपुर्ती र छिपेखोला पक्की पुल देखि नवाठाना सम्मको बाटो पिच गर्नुपर्ने मागहरु ध्यानाकर्षण पत्रमा उल्लेख छ्न ।

नयाँ शहर आयोजना कार्यालयले यि मागहरु छिटोभन्दा छिटो सम्बोधन गर्नुपर्ने र यदि उल्लिखित मागहरुलाई बेवास्ता गरे आन्दोलनमा जाने समेत पत्रमा उल्लेख गरिएको छ ।

ध्यानाकर्षण पत्र बुझाउने कार्यक्रममा एयरपोर्ट बजार ब्यवस्थापन समिति अध्यक्ष रामबहादुर कुँवर ,जनप्रतिनिधि , पार्टी प्रतिनिधि ,सरोकारवालाहरु लगायत अन्य बजार बासीहरुको सहभागिता रहेको थियो ।