Hamro Bulletin

साँफेबगर नगरपालिका १४ पातलकोट, भासुबनको खेति खोलामा झुलङ्गे पुल निर्माण कार्य सम्पन्न भएको छ । झुलङे पुल क्षेत्रगत कार्यक्रम र सानपाको साझेदारि बजेट अन्तरगत पुल निर्माण कार्य सम्पन्न भएको हो । बिहिबार साँफेबगर नगरपालिकाका नगरप्रमुख राजेन्द्र बहादुर कुँवरको नेतृत्व मा गएको अनुगमन तथा निरिक्षण टोलिले पुल निर्माण कार्य गुणस्तर सहित सम्पन्न भएको बताएको छ । पुल निर्माण कार्य सम्पन्न तथा उद्घाटन कार्यक्रमलाई सम्बोधन गर्दै साँफेबगर नगरपालिकाका नगर प्रमुख राजेन्द्र बहादुर कुँवरले नव निर्मित पुलले भासुबनका आम सर्वसाधारण लाई आफ्ना खेतियोग्य जमिनसंग प्रत्यक्ष जोड्ने कुरा बताउनु भयो । कार्यक्रम मा बोल्दै नगरप्रमुख कुँवरले कसैका व्यक्तिगत योजना नभएर समाजलाई लाभ हुने खालका विकास निर्माण का कामहरुमा नगरपालिका सधैं तयार रहेको बताउनु भयो । कार्यक्रममा साँफेबगर नगरपालिकाका सब ईन्जिनियर महेन्द्र प्रसाद खनाल, टि ओ टेकेन्द्र कुँवर , केदार ग्रामिण समाज प्राविधिक कलेन्द्र शाह लगाएत आम सर्वसाधारण समाजसेवि हरुको सहभागिता रहेको थियो ।