Hamro Bulletin

सुशासन, पारदर्शिता र जवाफदेहिताका लागि साँफेबगर नगरपालिका वडा नं १२ खप्तडको सार्वजनिक सुनुवाई कार्यक्रम सम्पन्न भएको छ । सार्वजनिक सुनुवाई कार्यक्रममा वडा कार्यालयले आर्थिक २०७९/८० मा प्रदान गरेका सेवा, सम्पादन भएका कामहरु ,सम्पुर्ण योजनाको रकम, कार्य प्रगति,सम्पन्न भएका योजना तथा वडाबाट खर्च भएको विवरण लगायतका विषयमामा वडा सचिव भक्त बहादुर पुन मगरले जानकारी गराउनु भएको थियो । साँफेबगर नगरपालिका वडा नं १२ का वडा अध्यक्ष जनक कडायतको अध्यक्षतामा भएको कार्यक्रममा प्रमुख अतिथि साँफेबगर नगर पालिकाका नगर प्रमुख राजेन्द्र बहादुर कुँवर रहनु भएको थियो ।

सार्वजनिक सुनुवाई कार्यक्रममा बोल्दै नगर प्रमुख कुँवरले वडा नं १२ खप्तडको बिकासका लागि नगरले पहल गर्ने बताउनु भएको छ । साँफेबगर नगरपालिकाका केहि वडा नगर पालिकाबाट भौगोलिक हिसाबले टाढा र बिकट भएकाले ती वडाका समस्यालाई बिशेष प्राथमिकतामा राखेर काम गर्ने प्रतिबद्धता जनाउनु भएको छ ।

साथै नगर प्रमुख कुँवरले आफ्नो वडामा भैरहेका कामको स्थानिहरुले पनि रेखदेख गर्नु पर्नै र गल्ती भएको ठाउमा जनप्रतिनिधिहरुलाई सचेत गराउनु पर्नै बताउनु भएको थियो । साँफेबगर नगरपालिकालाई सुन्दर बनाउन नगर एक्लैको पहले नहुने बताउदै त्यसको लागि सबैको साथ आवश्यक रहेको उँहाको भनाई छ । प्रदेश सरकारले योजना अनुसार झुक्तानी नदिदा जनताको अपेक्षा अनुसार काम हुन नसकेको बताउनु भएको छ । उँहाले यसपालिको बजेटमा नगरका सबै जनताका आवश्यकतालाई मध्यनजर गर्दे जनसंख्या भुगोरको आधारमा बजेट बिनियोजन गरीएको बताउनु भयो ।

कार्यक्रममा बिशिष्ट अतिथि साँफेबगर नगरपालिका वडा नं १३ का अध्यक्ष रुप बहादुर कुँवर,नेपालि कांग्रेस अछामका कोषाध्यक्ष बल बहादुर साउँद रहनु भएको थियो । अतिथिहरुमा एमाले का धन बहादुर कडायत नेपालि कांग्रेस वडा न १२ का वडा सभापति टेक बहादुर रावल लगाएतका अतिथि रहनु भएको थियो । कार्यक्रममा सहभागीहरुले ववडाको बजेट बिनियोजन गर्दा वडामा के कस्ता समस्या छन भनेर आवश्यक ठाउमा मात्र बजेट खर्च गर्न सुझाब दिएका थिए ।