बाँकेमा रहेको जयेन्दु बाल सुधार गृहमा झडप हुँदा १ जनाको मृत्यु, १० घाइते

काठमाडौं । बाँकेको डुडुवा गाउँपालिका–६ आसमानपुरस्थित जयेन्दु बाल सुधार गृहमा गएराति दुई पक्षबीच झडप हुँदा १ जनाको मृत्यु भएको छ । झडपमा १० जना घाइते भएका छन् ।
सुधार गृहमा रहेकाबीच दुई समूहमा विभाजन भई झडप हुँदा ११ जना घाइते भएका थिए । ती घाइते मध्ये एक जनाको मृत्यु भएको बाँकेमा प्रमुख जिल्ला अधिकारी विपिन आर्चायले बताउनुभयो । उहाँले झडपको कारण खुल्न नसेको बताउनुभयो ।
सुधार गृहका झ्यालका सिसा फुटाउँदै सुरक्षामा खटिएका प्रहरीमाथि पनि ढुङ्गा र इँटा प्रहार गरेपछि राति तनावपूर्ण अवस्था सृजना भएको स्थानीयले बताएका छन् । अहिले त्यहाँको अवस्था सामान्य रहेको आचार्यले बताउनुभयो ।
बालगृहमा तोडफोड र झडप भएपछि रातभर प्रहरी, प्रमुख जिल्ला अधिकारी लगायतको टोली सुरक्षा व्यवस्था मिलाउनको लागि खटिएको थियो । बाँके प्रहरी प्रमुख सन्तोष सिंह राठोरले घटनाको अनुसन्धान सुरु गरिएको जानकारी दिनुभयो ।
यसअघि झक्तपुर र पर्साको वीरगञ्जमा रहेका बाल सुधार गृहमा पनि तोडफोडका कारण स्थिति तनावपूर्ण बनेको थियो ।
सम्बन्धित समाचार
ट्रेन्डिङ
ताजा अपडेट
-
गोरख बक्स गणद्धारा सामुदायिक विपद् प्रतिकार्य तालिम संचालन
-
श्री गोरख बक्स गणद्धारा नैनी खप्तडमा हेलिप्याड निर्माण
-
धनगढीको एनडब्लुएले पायो जापानमा ‘उत्कृष्ट होटेल म्यानेजमेन्ट कलेज अवार्ड’
-
चौरपाटी गाउँपालिकाद्वारा आयोजित पालिका स्तरीय भलिबल प्रतियोगिता सम्पन्न
-
साँफेबगरमा दोस्रो मेयर कप पुरुष फुटबल प्रतियोगिता हुने
प्रतिक्रिया