Hamro Bulletin

लैङगिक विभेदमा आधारित हिंसा रोकथाम र प्रतिकार्य परियोजना दोस्रो चरण अन्र्तगत लैङगिक हिंसा न्युनिकरणको लागी स्थानीय तह र सरोकारवाला निकायको छलफल कार्यक्रम साँफेबगर नगरपालिकामा सम्पन्न भएको छ । पिसविनको आयोजनामा भएको कार्यक्रममा संस्थाले सञ्चालन गरेका कृयाकलाप, पालिकाले बनाएको लैङगिक उत्तरदायी बजेट, लैङगिक हिंसा निवारण कोष परिचालनको अवस्था लगायतका बिषयमा छलफल भएको छ । कार्यक्रममा पिसविनका जिल्ला कार्यक्रम सयोजक गोकुल खड्काले हिसा न्युनिकरण र प्रतिकार्यका लागी संस्थाले नगरपालिकाका ६ वटा वडामा सञ्चालन भएका कार्यक्रमहरु जोडी संवाद,पारिवारिक संवाद,वडा स्तररीय समन्वय बैठक,रुपान्तरण सेसन,अभिभावकसंग अभिमुखिकरण,प्रधानाध्यापक,शिक्षक र साथी शिक्षकहरुको बैठक,बालक्लब गठन पुर्नगठन,केस पहिचान,घरभेट,केस रेफर लगायतका बिषयमा जानकारी गराउनु भएको थियो । कार्यक्रममा नगर प्रमुख राजेन्द्रबहादुर कुँवरले विकासका भौतिक संरचनाहरु निमार्णसगसगै पछाडी पारिएका बर्गहरुलाई पनि माथी उकास्न जरुरी रहेको बताउनु भएको छ । उहाँले अब नगरपालिका लैगिक उत्तरदायी बजेट निमार्ण तर्फ केन्द्रीत भएको भन्दै बिकास निमार्णका हरेक गतिबिधिमा महिला,दलित पछाडी पारिएका बर्गहरुलाई समेटेर लैजाने बताउनु भयो । कार्यक्रममा नगर उपप्रमुख शिब बहादुर कुँवर शिलोजले लैगिक उत्तरदायी बजेट निमार्णसगसगै त्यसको कार्यान्वय र अवस्थाको अनुगमन समेत गरिने बताउनु भयो । उहाँले लैगिक हिंसा न्युनिकरण गर्नका लागी सबैभन्दा पहिले आयआर्जनको पाटोलाई बढी ध्यान दिनुपर्ने बताउनु भयो । नगर उपप्रमुख कुँवरले लैगिक उत्तरदायी बजेट ५० प्रतिशत मात्र कार्यन्वयन गर्नसके ठुलो उपलब्धी हुने बताउनु भयो । कार्यक्रममा शुभकामना मन्तव्य राख्दै साँफेबगर नगरपालिका वडा नम्बर ७ का वडा अध्यक्ष हिक्मत कडायतले गैरसरकारी सस्थाले गरेका रचनात्म कार्यक्रमले समाजमा निकै परिवर्तन आएको बताउनु भयो । उहाले यस्ता कार्यक्रममा स्थानीय सरकारसंग समन्वय गरेर अगाडी बढ्न सुझा दिनु भयो । कार्यक्रममा वडा नम्बर २ का वडा अध्यक्ष सेतबहादुर कुवर,वडा नम्बर ३ का वडा अध्यक्ष कुलबहादुर कँुवर,वडा नम्बर ४ का वडा अध्यक्ष नवराज बुढा,वडा नम्बर ६ का वडा अध्यक्ष मिनबहादुर बोहरा,वडा,निमित्त प्रमुख प्रशाकिय अधिकृत शंकर थापा, लगायत बिभिन्न शाखाका प्रमुख तथा प्रतिनिधिहरुको सहभागीता रहेको थियो । कार्यक्रममा स्वागत मन्तव्य पिसविनका सिता कुँवरले गर्नु भएको थियो । कार्यक्रमको सञ्चालन कानुन शाखा प्रमुख निर्प विश्वकर्माले गर्नु भएको थियो ।