ताजा अपडेट
प्रधानमन्त्री दाहाल धनगढी आउँदै
धनगढीः समाजवादी मोर्चाको भेलालाको लागि प्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्ड धनगढी आउने भएका छन्। प्रचण्ड असोज २९ गते समाजवादी मोर्चाको भेला सम्बोधनका लागि धनगढी आउन लागेका हुन्।
प्रचण्ड आइतवार नेपालगन्जको कार्यक्रममा सहभागी भएर सोहि दिन धनगढी आउने कार्यक्रम रहेको जनाइएको छ। यसअघि धनगढीमा हुने भनिएको मोर्चाको भेला दुई पटक स्थगित भएको थियो। एकपटक एमसीसी सम्झौता कार्यान्वयनको विषयलाई लिएर मोर्चा घटक दलहरूबीच विवाद हुदा र अर्को एमालेका उपाध्यक्ष सुवास नेम्वाङको निधनका कारण भेला स्थगित भएको थियो।
प्रतिक्रिया