राष्ट्रिय सभामा नेकपा एसले माग्यो अध्यक्षसहित पाँच सिट

हाम्रो बुलेटिन शनिबार २१, पुष २०८० १७:४८

राष्ट्रिय सभामा एमालेसँग सहकार्य नगर्ने अडान लिएको नेकपा एकीकृत समाजवादीले सत्ता गठबन्धनमा राष्ट्रिय सभाको अध्यक्षसहित पाँच सिट मागेको छ ।

गठबन्धनको शनिबारको बैठकमा नेकपा एसले राष्ट्रिय सभा अध्यक्षसहित पाँच सिट माग गरेको हो । यस विषयमा नेकपा एसको सचिवालय बैठकमा समेत छलफल भएको छ ।

राष्ट्रिय सभाका २० सिटमध्ये गठबन्धनभित्र नेपाली कांग्रेसले १३ र माओवादी केन्द्रले सात सिटमा दाबी गरेका छन् ।

नेकपा एसले पाँच सिटमा दाबी गरे पनि तीन सिटमा सम्झौता गर्ने बुझिएको छ । अध्यक्षमा भने अडान नछाड्ने तयारी एसको छ ।

कांग्रेसको राष्ट्रपति र माओवादीको प्रधानमन्त्री भएकाले नेकपा एसले राष्ट्रिय सभाको अध्यक्ष पाउनुपर्ने दाबी गर्दै आएको छ ।

प्रतिक्रिया