यती एयरलाइन्स विश्वका तीन ‘चढ्न अतिजोखिम’ एयरलाइन्सकाे सूचीमा
नेपालको यती एयरलाइन्स यात्रुलाई अति जोखिम हुने विश्वका तीन विमान कम्पनीभित्र परेको छ। सन् २०२४ को एउटा आँकडा अनुसार नेपालको यती एयरलाइन्स पनि अतिजोखिम हुने विमान कम्पनीमा परेको हो।
सुरक्षा मापदण्ड अपुग, अदक्ष चालकदल र नियामकको कमजोरीलाई आधार मानेर यतीलाई जोखिम कम्पनीको सूचीमा राखिएको टकरन्यूज डट कोले लेखेको समाचारमा उल्लेख छ।
यतीको दुर्घटना इतिहासले गर्दा समेत चढ्न नहुने भनी परिभाषित गरिएको छ। एयरलाइन्स रेटिङको तथ्यांकलाई आधार मानेर चढ्न नहुनेको सूची बनाइएको समाचारमा उल्लेख छ। सात स्टारमा तीनभन्दा कम नतिजा ल्याउनेलाई अति जोखिममा राख्ने गरिएको छ।
टकरन्यूज डट को‘को समाचारमा भनिएको छ, ‘नेपालमा सञ्चालित यति एयरलाइन्सले पहाडी तथा हिमाली भू-भाग, जोखिमपूर्ण मौसम र उडान सुरक्षालगायत चुनौतीहरूको सामना गरिरहेको छ।’
नेपालको समग्र उडान सुरक्षा अन्तर्राष्ट्रिय नागरिक उड्डयन सङ्गठन (आईकाओ)को गाइडलाइनले दिएको कार्यसम्पादन औसतभन्दा माथि भएपनि यति एयरलाइन्स घातक दुर्घटनाका कारण खराब सूचीमा परेको समाचारमा उल्लेख छ।
आईकाओले नेपालको हवाई सुरक्षा मापदण्डमा रहेका कमीकमजोरी पहिचान गरेर समग्र हवाई यात्रा सुरक्षित बनाउन एक्सन प्लानसहितको कार्ययोजना ल्याउन पटक-पटक सूचित गर्दै आएको छ।
सम्बन्धित समाचार
ट्रेन्डिङ
ताजा अपडेट
-
इम्प्याक्ट नेपालद्वारा राम बहादुर बोगटी सम्मानित
-
सुदूरपश्चिम प्रदेश सरकार गठनको समयसीमा आज सकिँदै, नयाँ सरकार गठनको अन्योल कायमै
-
जिल्ला स्तरिय महिला मानव अधिकार संरक्षकहरुको लागि दुई दिने सुरक्षा र हेरचाह सत्र कार्यक्रम साँफेबगरमा सम्पन्न
-
सुदूरपश्चिम प्रदेशका मुख्यमन्त्री शाहले दिए राजीनामा
-
रञ्जिता द्वारा रेशमले डाकेको पार्टी बैठक खारेज
प्रतिक्रिया